想問下D有玩開跑步比賽既人~~

好視乎會方有甚麼供應喎。以下是我參加渣打馬拉松的心得(我跑半馬)。

1. 最好著定衫去，去到先換？太多人啦！號碼布可以掛定，也可去到先掛。如果有晶片提供(串在鞋帶中)，最好整定啦。

2. 可以帶支水(或寶礦力)，但作用是賽前濕濕口，跑時帶在身就太煩氣了。何況沿途可能有水站(會方有講的)。唔好飲定太多水啦！我見有人跑跑下急尿(渣打馬拉松沿途有流動toilet)，居然排晒隊，搞錯，浪費十幾分鐘仲跑咩？你跑15 k，問題不大，我諗一個多鐘(頂多兩個鐘，否則相信你已中途放棄)就跑晒，唔會太渴掛？

3. 帶個袋去擺野，如銀包，褸等等。可能跑時係天冷呢！出門口著件褸好d，但就唔好著住跑，跑跑下你個人一定好熱，件褸放邊？相對的，即使天冷，我諗你唔好著長褲跑或著住到時換喇。香港凍極有限。渣打會放很有系統的在起點收集你的行李，在終點你可取回，如果唔係渣打馬打松，起點處都應該有locker提供。即使係咁，最好當然幫銀包減左磅先啦，如只帶數十蚊及身份證及八達通。

4. 一定要食早餐，但就預跑之前一小時之前食，唔係到時可能跑到想嘔，甚至有機會盲腸炎。如你是長跑，可到健身中心eg california買power gel跑到半路補充熱量。十幾蚊一小包，可放袋中。所以條褲最好有袋。但你跑15k，應該無呢個需要。

5. 賽前要有訓練。如你無跑開，今個禮拜好開始喇。可由7-8km開始，逐步加多。一般跑十公里的一小時內可跑完，你試下感受及控制好自己的步速。跑時不要心急，照平時的跑法及呼吸。心急會令呼吸急亂，是跑步大忌。到時可能好多人一齊跑，我見過d人(年青人為多)，一開跑就衝，以為可衝到尾(肯定無練過)，在中段就見返佢地扯晒氣步行，為咩呢？15km是長途，不要以為可一口氣衝，除非你訓練有數eg李致和，就真係好似我地跑短跑的速度跑到尾。

總之，努力啦！量力而為！但願你有機會感受衝線的成功感！

2006-10-26 23:43:16 補充：
鞋方面儘量輕身，如mizuno，new balance都有輕身的跑步專用鞋。

帶釘鞋,帶跑衫去換,記住要帶清水,帶毛巾……!

2006-10-27 14:15:25 補充：
記住加油!以上D野都是必帶!!

帶釘鞋如果有既
一條短既sport 褲
d3wear係inside..or去到換好d
比賽+油