請教0-5歲小兒的開支預算!

好難講喎,因為每個家庭所支出都同生活質數成正比,講真,如果養一個BB真係如風帆王后李麗姍所講要幾百萬0既話,咁窮人咪唔使旨意生仔? 香港地貧富懸殊得好緊要,咁如果個個都要拎幾百萬出0黎先養得起一個BB,咁仲有窮人生仔0既?有錢人養0既BB支出梗係貴0的0架,因為乜都要最好。無論衣食住行都一樣。咁咪要幾百萬囉!窮人養BB就有其他資助,如學費減免或減半, 車船及書簿津貼,學校亦會為了響應環保又幫到有需要0既人而有回收校服計劃。更會以半價或以下回收舊書俾一0的升班生購買,有病睇政府醫生輪街症,如有親友有BB衫已經唔0岩著而又好新淨的話就拎返屋企再洗多次,之後俾自己BB著囉。
老人家叫呢0的係(百家衣)以前百家衣係將一百家人0既BB著過0的衫仔每件衫剪一0的布出0黎再縫製成一件衫,意思係集百家一身所有BB有過咩病痛都會因呢百個BB承受過再俾自己BB著就可以等個BB免除太多病痛健康成長,當然只係一個傳說,而家去邊度搵喔。剩係呢幾方面又慳番。少0的提供無謂物質上0既享受,如名牌衫褲,玩具等...咁開支又唔同0左喎。但奶粉尿片以及BB飲食呢0的基本開支保守估計平均每月1500蚊到,有數得計,奶粉尿片每樣都要百幾蚊,大約數當佢150元。未計有病睇私家醫生同埋BB換季買衫玩具,學費,興趣班等...我就係窮人0個類。阿哥執表哥衫著,細佬執阿哥衫著(當然去街衫另買)申請學費減半,飲食均衡得0黎又要清淡,煲下湯下呢0的煤氣費會多0左,用水又會多0左,用電都會多0左,間中又會燉花膠或雪蛤膏比仔食,係一年先一次喎。咁我個仔由0-5歲所有衣食行(住唔計,因為就算我多左個仔都係俾咁多錢租,仲係住公屋。)大概用左十五萬。至於中至高階層家庭使費係點,就要睇下有冇其他網友解答到你啦。

2006-11-04 03:02:53 補充：
初生紙尿片唔同牌子唔同價錢(以中價貨七,八十元一包)三個月大之後尿片改用細碼(大概一百元一包)奶粉(幾十至百多元一鑵)糊仔六個月後開始進食(都是五十元以下一鑵)改食粥仔都得,無咁熱氣容易吸收。衫仔(換季就要買,好難講幾錢,)醫療費(睇政府每次一百,私家150至300內,睇下咩情況)玩具都要0架(有助訓練BB眼力及手腳靈活運動)BB床(幾百至千幾)被舖(保守計600-800)幼稚園學費(1500-2000)

2006-11-04 03:10:50 補充：
幼稚園學費(未計申請減半, 一般幼稚園(非名校)大概1200-1500)書簿費(上下學期加埋大概3000-3500)茶點費 生日會費(大概五百)校服(冬夏季及鞋襪 ; 校服1000元之內,鞋襪非名牌,都係500元左右)平日去街衫褲鞋襪同便服就真係難以估計..睇你點買法,名牌非名牌,物質的給予多寡都係主要因素之一。以上0既係未計日常生活其他什項,如帶BB去玩去旅行或買其他非基本生活支出。

2006-11-04 03:14:30 補充：
仲有BB手推車(200幾-1XXX幾都有)學行車(如需要500樓下都有)奶樽,起碼十個(4個細6個大)P字頭0既牌子好0的大概300有找。洗奶樽煲(普通0既百幾,貴0的0既五,六百都有)