✔ 最佳答案
於大圍火車站出發,首先向北行(即係向沙田站方向,的士站反方向),一直踩,會見到沙田文化博物館,過左馬路會見到一條隧道,要推車落(當然冇乜人你可以踩過去),過咗去沿著大路一直去,會經過沙田中央公園、體育學院、馬場,踩到馬場尾會見到右邊一條白色的橋,你唔好上橋(上橋去馬鞍山),你應該踩左邊。
一路踩都係一條路,沿途你會經過一個燈位,之後會過兩條隧道,之後就係科學園。過咗科學園係一個地盤,踩前一點會見到兩條分叉路,你踩那一邊都冇所謂,因為都係駁住吐露港,但係踩左邊要過兩條馬路,雖然少車但係都請小心。出咗吐露港又係一條路,踩到尾就會見到一間廟,過五十米左右就會見到一個景點 -- 公厠,果度就係元州仔公園。
公厠對出有一條紅色的路(鐵絲網那邊),沿著紅色的路踩就可以出到成全路(呢個好重要,紅色的路),駁汀角路就可以去到大尾督,沿途都係一條路,應該唔會迷路。