恆生提款卡問題!

你提出咗好多唔同嘅卡,佢哋嘅功能同要求都係有d分別

(1) 提款卡, 如果你嗰張係提款卡,咁佢嘅功能就係限於操作你張咭裡面嘅戶口(我估應該係saving account), 可以提款、存款,check balance等,唔可以碌卡,因為嗰張嗰張唔係credit card。

(2) 信用卡(credit card),卡持有人必須年滿18歲。銀行會批出credit limit,持卡人可以“碌卡”購物,收到月結單才找數。

(3) 銀行叫人申請嗰隻消費卡,係debit card。恒生嗰張係叫alpha card,比15歲以上嘅人申請。張卡裡面係冇credit limit,但有debit limit 憑卡可於本地及海外購物消費。簽賬即刻從alpha card 扣數，與存款戶口聯繫，如果卡內金額不足，即時從存款戶口增值 。

(4) 同功能同eps差唔多。主要係睇商戶接受邊種找數方式,eps要間舖頭數eps至用得。恒生話只要收master card嘅商戶都收alpha card。

(5)如果你想去買野有得”碌卡”，你可以用alpha card,不過都係要即時比。如果想要credit card,要夠18歲,讀大學、或者出嚟做嘢先得。

你的卡應有提款及eps功能.

你應該申請信用卡, 銀行會俾一張信用卡你, 你可以做到全部三種功能. 但你要有入息證明如糧單之類.

一般卡有三種功用:
1. 信用卡:可以去買野時”碌卡”, 約30 日後才要轉數付錢. 小心,要準時轉數.
過期轉數要比36厘利息
即 使咗100元 要還136元. 好貴. 我一般買完野後立即轉數.

2. 提款卡:在提款機存錢取錢
3. eps:買野時入密碼, 立即直接在銀行戶口扣數

　消費卡與信用卡是兩樣東西，消費卡是一種以扣帳形式付款的消費模式，所以必須要確保你的銀行戶口有錢，才可以同一時間讓有關商戶扣帳；而信用卡則是一種以記帳形式的消費模式，戶口可以毋須事先存有款項，仍可以透支方式先行扣帳，再以月結形式結帳。
　職員應是指，你可以透過「易辦事」形式使用提款卡，因為普通提款卡，不能透支或作記帳用途，而「易辦事」是類似消費卡形式運作，亦即是一張扣帳卡。
　如果你想購物時可以簽帳，你可以申請信用卡，但批核與否，要視乎你是否年滿十八歲、有沒有工作和存款等是否和你的消費能力成正比。或者你可透過你的家人，申請一張附屬信用卡，由主卡持有人負責付帳。

如果要去碌卡係要用visa 或者mastercard先至可以.... 因為eps係用柜員機直接攞錢唔可以簽卡或者碌卡o既.... 若果考慮申請信用卡好多銀行都會有! ^^