痛心！咁樣既日子究竟仲要過幾耐先有盡頭？

言談間我覺得你有少少自卑, 其實尋找一個好條件的配偶係每個女仔的心願, 絶對唔係貪慕虛榮, 不要看不起自己。 夫家或外人點諗你是無法控制的, 不要放在心, 最重要是你丈夫無睇你唔起。看來你和你丈夫無太大感情問題, 可能每個女孩對新婚都有憧憬, 但現在卻身處逆景, 心情不好, 於是每每把不如意事放大了, 這是可以理解的。多留意一些生活小節上的快樂, 如bb對你笑, 開始學說話, 忘記不快。
家家有本難諗的經, 不論貧富, 每個家庭總有自己的問題, 金錢解決不來的問題不是更惱人嗎? 不要氣餒啊! 別人可能給你很多意見, 但未必一定切合, 自己試試作多方面反思:
1. 與丈夫感情好嗎? 他諒解你/尊重你嗎? 你唔開心, 佢有安慰你? 有時年輕夫婦心智未夠成熟, 可能未有及時察覺配偶不快而加以慰問, 甚至不懂處理, 正所謂手板是肉, 手背也是肉, 於是採取逃避政策, 裝傻扮朦。你有沒有主動向他表達你的感受?
2. 不是秋後算帳, 而係引以為誡, 看來你們未有好好計劃, 未有足夠經濟能力便結婚、生子, 雖然無得走回頭路, 但必須好好考慮未來, 勿再重蹈覆轍。有人提議你們搬出去, 但一闊三大, 屋租及日常開支應付得來嗎? 不要忘記你還要還債。你和丈夫收入穩定嗎? 孩子好快便要展開沉重而長遠的敎育開支, 有考慮嗎? 你提出搬開住, 如果處理得不好, 可能與夫家關係更趨惡化, 他們還肯替你揍bb嗎? 現在你姑奶搬回與你們同住, 你們一搬出, 佢就鵲巢鳩佔, 當你發覺經濟上支持唔到時, 有可能搬番番去嗎?
3. 將幼兒交由老爺、奶奶或外家照顧, 他們的育兒、管教方式你認同嗎? 將來要糾正, 可能會更費心力啊 。
4. 如果選擇離婚, 如何處置bb? 一個人在外生活並非易事, 孤苦無依, 你會開心嗎?回內地生活? 可能更不甘心罷? 若bb跟你, 你還年輕, 將來再婚男友和他的家人接受得來嗎?
5. 當無法改變外在環境, 應否嘗試改變自己的心態? 凡事從好的一面看, 盡力改善與夫家的關係。
6. 在香港生活圏子是否很夾窄? 無傾訴對象? 你的問題不算太嚴重, 在資源短缺下社工可能有心無力, 嘗試番教會擴闊社交, 我並非教徒,只不過教會是係最快同最安全結識朋友的地方。認識一班新友朋, 可發泄一下情緒。我想你把你的問題上網也是一個很好的發泄方法, 只是欠了一份較親切的互動。
我不是教徒, 但聖經裏有一金句:
愛是恒久忍耐, 又有恩慈, 愛是不嫉妒, 不自誇, 不張狂, 不作害羞的事, 求自己的益處, 不輕易發怒, 不計算人的惡........凡事包容, 凡事相信, 凡事盼望, 凡事忍耐, 愛是永不止息的。
我覺得很值得回味, 特地把它放在牀頭, 在婚姻生活上往往是女性付出較多, 不要太計較了, 逆境總會過去。

最主要你們還是深愛對方 日日家嘈屋閉就申請公屋
你們三口子一齊住 始終有自己既小天地比較好些
我的左鄰右里都是生完 bb 後就抱回鄉間比媽媽揍大
直到讀書才抱回港 有幾年時間你可以找工作
有收入 唔怕生活迫人 你要同你老公講你的打算
始終兩夫妻有傾有講先岩既 不要放在心內
老公係你既 要相信佢一定企在你身邊
我精神上支持你 努力 加油

完全贊同樓上 daphnechan0119 的見解, 很難才能成為夫妻, 所以不要放棄, 千萬不可離婚, 關上房門便是自己一家, 其他人暫不用理會, 頂唔順就返鄉下抖下, 過氣之後回來, 我覺得你咁後生, 最好搵份工, bb無人湊, 可帶回鄉下, 到入學才回來, 記住好多人為你打氣ka.

新婚薄如紙,忍下吧!你味當為左你地的將來著想吧!情侶之間要遷就,體諒,尊重和幫助.你要心平氣和同你老公說番依d問題,你絕對不可以因為少少的東西而離開佢的呢!這些就可以證明你對佢的愛,是不是經得起考驗呢!

你好!希望你不要太灰心,看你丈夫和你之間仍然相愛,更可放bb而出生,為何要想到離婚呢?雖然俗話說:家家有本難念的經!我們局外人會是很難明白,但你只要向bb的方面為首要,因為bb已出生,不應不理會他/她的成長及將來的前途,既然而行到此地步,只是同老公好好認真商討解決問題,不要動氣,要冷靜,要向對方的位置去理性想想,不要灰心!!

唔好諗到咁灰先啦,有咩野咪2個人有商有量囉,下下咁易就話離婚,咁當初又可必仲要問人借錢結婚呀,就係因為你地2個係深愛對方又想同佢一生一世先至結婚架.
其實我覺得只要2個人係相愛既,不論甚麼事都只係對你地的一種愛的考驗來的.
簡單d睇其實就算你地真係離左婚,咁唔通就咩問題都無晒,而佢d家人仲即刻體諒你咩,唔係架麻,反而仲比人睇死你,唔好咁傻啦你
其實每個人都有佢既問題,我同你差不多,又係錢銀問題,同佢屋企人住既環境問題和相處問題,不過我就未有bb,我成日都同老公嘈但就嘈完轉頭下左氣就當無事,就係咁差不多結婚一週年啦.我有咩唔開心就搵人傾計,係咁講晒d唔開心既野之後咁會冷靜d,再心平氣和同老公講番我為咩唔開心,大家要點做,一次做得唔好再做,從錯誤中2個一齊成長呀.....

1你話你同你家姐佢地住,甘房租佢有無份俾架?無同你家姐反應返佢個女難教咩,得果五歲始終都係細路仔,只要慢慢教佢一定聽的,可以搵社工ar,試下帶佢去d社區中心同d小朋友一齊玩或會改善吓!!
2 至於金錢方面,你家人/fd向你追債咩?"住人屋簷下,哪怕不低頭"如果無既可以慢慢還既,只要有工做我相信總有一天一定惦,似乎你懂不懂節儉。
你都話同你老公不是感情問題,甘何必想到離婚哩??更何況你地仲有個細,難道眼前這些鎖卒既事,就令你內心動搖不安.你所煩既野只是"家常便飯"你當初結婚都應該知道你既將來要面對"財政"困難。因為機會總是留給有準備既人。
能夠面對如今的煩惱,我相信你往後生活一定大有改善　
講左甘多廢話,其目的只是想同你講你要努力面對,應付。我一定支技你^^加油唷~

2006-10-26 16:28:20 補充：
仲有你要接受現實雖是難堪,但呢個是事實,因為你所做的行動,行為一定令人有所誤會,所以才會覺得你來hk只是為左拎張身分證,換轉係我,我都會懷疑。問題就係你要過自己果關先至不會亂甘諗野

奉勸回答既人唔好再講返當事人當初有幾咁衝動、有咩野唔岩...
因為人地已經親身感受到喇, 而且身邊既人時時刻刻都會有意無意舊事重提, 你地再講落去, 只有令人地觸景傷情。
雪上加霜係無用既, 不如想下有咩解決方法, 係當事人有可能未想過, 真正可以幫得到手既......

想問下呢位靚太 (你應該係太太掛? ^_^)
因為我有少少唔明白, 想你再講多少少俾我聽, 等我都想下辦法幫你丫。
問題相當多下, 希望你唔好介意~

七百幾呎四個人住... 係住邊幾個?
呢樣野好緊要架......
係咪你+老公+老公父母?
如果係咁樣既話, 答案其實應該係五個...
小朋友似乎會大架, 到時先意識到第五個同居人既問題, 將來你會仲麻煩。

你同老公依家幾大呀? 你同老公盛行呀? 係咪仲放緊產假?
間屋係邊個買架? 幾時買? 樓齡幾多? 仲有冇按揭供緊?
間屋響邊區架? 交通方唔方便? 你同老公同其他人, 本身住邊度?
老公既家人, 係咪全部都有經濟上既困難, 所以唔搬得出去?
定係只係想要慳低租樓買樓既錢, 又或者習慣一家人住埋一齊?
之所以咁問, 係考慮緊你兩夫妻同小朋友搬出去/請其他人搬出去既可能性。
(雖則我都知你兩個經濟上有困難... 不過考慮多少少會比較好既)

你同老公, 係咪一定想要個 bb? 有冇考慮暫時寄養既可能性?
係咪覺得老公成日雖然好愛你, 但係成日唔明你既壓力、你既感受?

搬返去你娘家住, 横店你屋企咁有錢, 唔使係香港咁受氣

你可以開戶,另申請公屋,你只要離開麻煩地,三口子一定可重拾快樂.
至於家姐離左婚帶埋個女返黎住，叫佢入籍加入老爺名冊上,佢長住都唔使理.所謂相見好同住難吧!
到時你可上班,叫奶奶照顧BB吧!怎說自己有家,別人煩爭不用理,怎也清靜點.家人既唔體諒,你都不用理.最多富有富住,窮有窮住.錢你去上班就可解決了.