點燉牛奶燕窩

先處理好燕窩, 浸水, 發大後, 揀出雜質, 如羽毛和幼草等
因為不知用那種燕窩, 浸水時間不同的呢!! 一般燕盞, 浸4小時; 血燕/洞燕/金絲燕, 要浸過夜; 燕餅/燕碎, 浸1-2小時便可.
鮮奶一支, 連同處理好的燕窩放入燉盅內, 中火燉, 時間又要視乎選用那種燕窩, 一般燕盞 - 1.5小時; 血燕/洞燕/金絲燕 - 四小時; 燕餅/燕碎 - 1小時便可
如怕燉好後太杰, 可1/3水, 2/3奶.
可以加糖, 最好用冰糖. 老人家話砂糖有風, 可於最後半小時加入適量碎冰糖; 或用水把冰糖煮溶成糖水, 食時才加進去.
有BB, 不太甜就可以了, 沒問題的...
一隻燕盞發開了有很多的, 可分幾次燉, 視乎個人喜好.

另外, 又可先用少許清水燉好燕窩, 不放糖, 放涼後放入雪櫃, 要進食先煮熱鮮奶時, 加入一至兩匙燕窩, 一併食用, 同樣可加碎冰糖或冰糖水.
燉好的燕窩放在雪櫃裏最耐可放約一星期, 所以不要一次過燉太多.

如不想甜食, 可以醎食, 燕窩燉雞(要去皮飛水), 但一半水一半奶, 不然就好杰. 跟上面一樣做法, 只是加了雞, 和之係加鹽調味.

最緊要是浸發燕窩和燉煮的時間, 買時可以問清楚.

燕窩一至二盞浸透洗淨， 鮮奶一瓶， 一齊放進燉盅內， 燉30-40分鐘後加適量冰糖。
功能: 養顏， 潤膚， 增強細胞分裂繁殖， 促進表皮生長因子， 早食容光煥發， 晚食寧神安睡。