有關債務查詢請幫幫我

你的總欠貸款差唔多係你人工的20倍 , 老實講我諗都無咩正當公司同你做到一筆清或結餘轉戶 , 其實我成日都唔明d人點解一借就走去邦民 , aeon度借呢??? 乜你地唔知佢地出晒名貴息架咩???? 唉.........不過 , 你入職已2年 , 都尚算穩定 , 我會建議你去荷蘭bank或安信問下做到幾多囉.....叫佢地幫你做長d還款期無咁辛苦囉..........

p.s. 我唔係係度講風涼話 , 我都有欠債約10萬 , 但我全部都係銀行度借架同到7,8萬時已經開始反省究竟第時還唔還錢呢 , 我人工萬幾蚊 , 我計過數最快都要兩,三年先還清 , 你???........其實你而家最好搵多份part time做 , 咁就無咁辛苦囉!!!

快快脆打電話問下財務公司啦，銀行唔好諗啦！
建議打去問下安信同花旗財務啦，我所知呢兩間d息都ok，不過可能要cut左d戶口囉。你入息穩定，如果文件齊的話一、兩日就知結果，唔洗估估下。
唔好猶疑啦，打左個電話，講返上高d內容，佢地會話你聽點做架啦。同時問兩間啦，唔洗等咁耐，但唔好問完一間唔批先問另一間喎。

你試下問大新, citibank, 匯豐睇下可唔可以將部份特別高息的邦民和Aeon欠款轉過黎, 分攤三或四年歸還吧! 千其唔好一間借多過三萬, 一定唔批! 如果呢幾間唔批, 可以試下問2財務可唔可以做一筆清, 雖然你未夠1萬人工, 但應該有得商量吧, 至於安信和荷蘭銀行, 我估佢地要你有擔保人, 你都可以試一試!

如果真係唔得, 唯有做債務重組