點解人咁鐘意比較和鼉張既?

一個人生存，係要有「生存價值」。
有時候，一個人生存係會覺得好似冇咩價值，
而證明自己有「生存價值」o既其中一個方法，
所以為o左證明自己「有價值」，就會去比較，
自己係咪比其他人叻，比其他人勁。
不過真係「人比人，比死人」，哩個世界冇話有一個人咩都係No. 1 o架。
打個比喻，相比之下，朗拿甸奴比你踢波叻好多，
但係如果打藍球呢？你又可能比朗拿甸奴叻好多。
所以我認為，做人有時又唔駛成日去比較。
另外，係人都唔鍾意比其他人忽視，
所以如果有某d強項o既地方，會希望作出比較，去令人o地留意自己。
又未必出於妒忌心o既。
至於囂張，我覺得就係個人修養問題。
點解你會對某d人囂張？係因為你睇唔起對方，覺得對方同你冇得比。
如果o個個係你對手，你睇唔起人o地，係咪唔尊重人？
所謂「識英雄重英雄」嘛。
所以我覺得囂張係個人修養問題。

至於用咩態度對待，
我覺得有關「比較」真係冇得講，
因為你冇得避免。
至緊要你係知道自己盡o左力就得，唔好太介意。
囂張o既人真係令人討厭，
對住哩d人，你真係笑下就算。
如果你有能力o既話，不妨挫下佢銳氣等佢唔好咁囂張囉。

通常D人自卑感作祟,想係某D地方知道自己有幾多存在價值,所以先係人面前誇獎自己,講到自己幾咁叻,其實都係缺乏自信心既一種.

唔好以為佢成日誇大自己既功績就係好有自信喎,所謂有射自然香,你叻既話,唔駛講D人都睇到,下下要同人講自己幾勁,佢怕人忘記左佢嘛.

處理呢種人都唔駛以牙還牙既,只要佢每次同你講佢最近又得到D咩,做左D咩,你好冷淡咁聽完就算,唔好擺出一副羨慕既表情,佢講多兩次就無癮架啦,到時就會搵其他目標,總之到時煩唔到你先呀.

比較，因為想知道別人和自己有甚麼差別和不同，囂張，因為自己覺得自己比別人好，看不起別人，很自大。

比較和鼉張
是因為 疾妒之心

通常 和善 的人 不會有 疾妒之心

每個人都有 長處 短處
人人平等 的
不可 輕視 別人

比較 要 和 過去的自己 比較 才能 進步
如果 事事 和 別人 比較 只會 停留 原地
慢慢地 別人 進步了 自己 就 比不上 別人