經過琴日各網友既意見~再加上小狗開始有更大既唔餒,我同男朋友就帶左佢去睇徐正雄診所
不過唔係由徐醫生診証,係由梁醫生~不過呢間野真係我睇過咁多間最好既一間!
梁醫生對小狗係十分之愛惜,唔似得其他醫生,只當醫小狗係工作!!梁醫生好詳細咁
講出小狗現時病況,她謂:小狗所有狗瘟既徵狀都出哂黎~仲有發燒~燒到103度~
SO佢問我地仲醫唔醫,因為醫好都會KEEP住抽搐,要長期食抽搐藥,不過佢可以
行得走得,一樣咁活潑~小狗好乖,病到咁辛苦都仲擺尾~佢既意志力係超強!!!!咁我地梗係醫啦!
WE WILL NEVER GIVE UP!!!!
不過琴日佢食完D藥開始唔肯食野~佢之前一直都有食野而且仲好好胃口架!
唔知點解食左琴日D藥就無哂胃口,仲連水都唔飲!而且仲口吐白沬,
吐左成個鐘,一路吐一路失禁!!但隻眼仔就好精靈好有神~
搞到我成晚都訓唔到~而家我地可以做既就係陪佢多D同埋用筒餵佢食野~
佢而家成日都好似咳緊咁,個口好似有啖....勁流口水...唔食野...
希望佢可以打低病魔啦!
小狗到了狗瘟末期!!!HELP@@ 第二篇
2006-10-26 5:53 pm
回答 (8)
2006-10-26 9:51 pm
✔ 最佳答案
睇到你第二篇..如果你狗狗唔肯食野(係因為食完藥之後), 唔好再比藥佢食啦..因為唔食野無營養食乜藥都幫佢唔到..你快d帶佢睇第二個醫生啦..我之前都轉左3個醫生..依家睇醫dr. tint.我隻八哥個頭都長期抽下抽下(唔郁時)..佢到依家都淨係食vitamin b. 我記得佢睇第二個醫生時食4隻藥(果時dr.將4隻藥磨粉轉做liquid再打針比佢飲, 果樽野好"傑"同肉酸架..佢食幾多就嘔番一半出黎....我餵左好多次都係咁..之後轉左dr. tint我同佢講, 佢開左d抗生素/vitamin&氣管藥比佢(好似好甜咁)..佢好乖乖咁食晒, 過左3-4日就開始無乜事啦..所以我覺得醫生都係睇下同隻狗夾唔夾..你試下打去約下dr. tint (2760 9663)..佢都算幾出名..同埋價錢合理..唔好放棄呀..我依家好開心當初醫生同我講狗狗醫好得5%時我都無放棄佢..如果唔係我諗我到呢一刻仲會後悔...果時我隔唔中都抱下佢同佢講佢好番帶佢去邊..當然我知佢唔識聽..不過佢feel到有人關心佢就夠架啦..因為你係佢的100%!
2006-10-28 12:24 am
看見你的狗狗有狗瘟,你的心情我都很明白的,因我的狗狗也有過狗瘟
我養過一隻比高犬,初時都沒有咩問題,但到左第5天,狗狗開始出現流鼻涕,咳,肚疴和發燒.帶佢去睇獸醫,話佢有狗瘟,當時我真是很擔心.但到左第二天,狗狗仲出現左氣速的情形.但最緊要是佢食野,因為當時我隻狗狗仍然有胃口,所以佢總會食晒已混左藥的狗糧,所以情況很快有改善.
當時真是好擔心,成日幫佢探熱,餵佢飲水,最後都好左.所以你和狗狗都要俾心機,唔好放棄
我養過一隻比高犬,初時都沒有咩問題,但到左第5天,狗狗開始出現流鼻涕,咳,肚疴和發燒.帶佢去睇獸醫,話佢有狗瘟,當時我真是很擔心.但到左第二天,狗狗仲出現左氣速的情形.但最緊要是佢食野,因為當時我隻狗狗仍然有胃口,所以佢總會食晒已混左藥的狗糧,所以情況很快有改善.
當時真是好擔心,成日幫佢探熱,餵佢飲水,最後都好左.所以你和狗狗都要俾心機,唔好放棄
2006-10-26 7:26 pm
狗瘟最大問題係令到狗狗無食慾, 唔飲水, 無晒體力, 最後唔夠抵抗力去打仗而死, 所以無論如何你都要俾野佢食, 咩都好, 營養罐頭, 烚雞肉, 爛飯, 粥水, 咩都好啦, 每一小時餵佢飲水, 唔飲唧入佢口, 佢有無流鼻涕呀? 如果有鼻涕塞住佢聞唔到食物架, 你要幫佢唧出黎, 最好買糊仔當水俾佢飲, petshop / vet 有得賣, 佢飲一兩次就會飲架喇, 起碼有營養先啦! 要佢打低病魔你既照顧好緊要架
2006-10-26 7:24 pm
請你一定好放棄!!!!
我們都一齊同你努力
希望更多知識+同你打氣.
NEVER GIVE UP PLEASE !!!!!
狗狗也是一條生命
我自己也有芝娃娃, 也曾有狗瘟, 雖然是有少少後遺症, 但現在很健康!
你的支持和愛是它在世最幸福的事,
我們都一齊同你努力
希望更多知識+同你打氣.
NEVER GIVE UP PLEASE !!!!!
狗狗也是一條生命
我自己也有芝娃娃, 也曾有狗瘟, 雖然是有少少後遺症, 但現在很健康!
你的支持和愛是它在世最幸福的事,
2006-10-26 6:44 pm
希望你狗仔快啲好返啦,佢現在很需要你支持,佢自己都晤想放棄生命,你都晤好放棄呀.
我之前養過1隻西施,2 個月大,同我相處咗7日.佢就染上狗瘟,一食野就嘔,之後帶佢睇醫生,
醫生話佢染上狗瘟,唯一做的就比佢訓多啲,同埋常試餵佢食野,個醫生又冇同佢打針,又冇開藥比佢食,之後過咗2日佢就離開我了....
我之前養過1隻西施,2 個月大,同我相處咗7日.佢就染上狗瘟,一食野就嘔,之後帶佢睇醫生,
醫生話佢染上狗瘟,唯一做的就比佢訓多啲,同埋常試餵佢食野,個醫生又冇同佢打針,又冇開藥比佢食,之後過咗2日佢就離開我了....
2006-10-26 6:33 pm
我隻狗仔都試過發高燒,又吾肯食野同飲水，平時佢好活潑但係突然喺一兩日內變得全身冇
力成身不段咁，呼吸聲好大又咳又有痰，叫佢都吾啋係咁瞓，咪帶佢去睇醫生，醫生話
佢係牛菲熱，醫生又話佢如果吾肯食野就去超市買啲嬰兒菜(雞肉味)用針筒慢慢畏佢食，
水都一樣咁畏。當時我都好擔心因為醫生話佢個心同個肝都發大左，但係過左三四日開始
好轉肯自己食野同飲水，十日左右就好番，所以吾好灰心比心機啲照顧佢。
力成身不段咁，呼吸聲好大又咳又有痰，叫佢都吾啋係咁瞓，咪帶佢去睇醫生，醫生話
佢係牛菲熱，醫生又話佢如果吾肯食野就去超市買啲嬰兒菜(雞肉味)用針筒慢慢畏佢食，
水都一樣咁畏。當時我都好擔心因為醫生話佢個心同個肝都發大左，但係過左三四日開始
好轉肯自己食野同飲水，十日左右就好番，所以吾好灰心比心機啲照顧佢。
2006-10-26 6:21 pm
有冇問過醫生點解99唔食野, 係咪藥物副作用呢, 呢個情況會維持幾耐.
2006-10-26 6:00 pm
我無養狗,但好鍾意小動物.
大家都一齊同你努力..你都唔好放棄.知識+有好多人同你打氣.
大家都一齊同你努力..你都唔好放棄.知識+有好多人同你打氣.
收錄日期: 2021-04-13 13:37:49
原文連結 [永久失效]:
https://hk.answers.yahoo.com/question/index?qid=20061026000051KK00711