我想問親人剛剛離開,有什麼要注意?

其實都係depends on你係咩鄉下ga喎…不過我爸今年年頭過左身，我鄉下例都係唔好喺屋企洗頭（其他親戚則當別論）但係個頭始終都要洗ga嘛，所以我出街洗囉！（因為聽講話，如果你洗左頭，咁d洗頭水就會係你嗰位先人喺下面被罪而要飲返咁話…信不信就因人而異啦！）
屋企所有嘅鏡都要遮住，因為聽講話，如果呢位先人返到唻照到鏡會嚇親！
所有嘅神位都要遮住，遮到密封，如果唔係嗰呢位先人會入唔到屋！
d衫一定唔可以而家掉ga！！仲要保持住原本咁樣！最起碼要等搞掂晒d嘢（送咗呢位先人上山先）先可以掉！如果真係好信又或者真係好有孝順的話，最好梗係等夠一百日先啦！
至於開唔開燈，就隨得你鍾意，不過如果真係驚的話都可以開嘅！

2006-10-26 05:03:37 補充：
食嘢就唔好食牛肉囉，因為聽講話下面d“使者”係牛吖嘛！（牛頭、馬面）其他就冇咩特別啦！不過呢d嘢都係嗰句啦：信側有不信側冇嘅！ 最緊要係你有孝心、念心就得ga啦！