關於旺角寵物城買貓

另一間有72小時售後服務0既連鎖寵物店，佢地都唔係咁好!
只係表面工夫做足~ 有D病, 好似貓瘟咁, 潛伏期都唔止72小時!

佢地好多貓, 你細心d睇, 都有唔同0既疾病, 例如:流眼水，鼻水~
店員亦都唔會帶佢地睇醫生, 只係自己餵藥比佢地食了事~

我曾經見過有隻貓貓, 直頭唔舒服到嘖緊奶白色鼻水波波, 佢地都唔帶佢睇醫生!
佢地只係為0左生意(即係錢), 就乜都做得出!

我個仔仔之前就係0係呢間寵物店帶返屋企~
我第一眼見到佢已經好鍾意佢~

佢開頭由流鼻水, 慢慢變成貓瘟 (返0左屋企1個禮拜左右)

我唔係想放棄隻貓貓, 而係我覺得pet shop 都有責任
但佢地只係好寸咁同我講: 最多咪比返錢你!

我同呢隻貓貓有0既係感情, 而唔係錢! 點解佢地咁冇人性0既說話都講得出口?
唔通真係做生意大過一切?

但小朋友佢慢慢再出現角膜潰瘍(併發症), 之後就到腹膜炎....
突然有一日.... 0係我懷中, 好痛苦咁離開0左呢個世界....
小朋友當時只得9個月大咋!!

我再傷心都冇用, 因為佢都唔會再返0黎我身邊!

其實pet shop 買貓真係好危險, 因為太多貓隻0係同一個地方
好容易會互相傳染!

不如考慮一下領養貓貓~
可以真正幫到動物之餘, 又可以減輕慈善團體負擔

希望可以幫到你作為參考~

係呀..我成日去旺角0個間寵物城,佢地d死人態度真係好黑人憎,同埋佢地d野貴過其他寵物店好多好多,所以如果去旺角0個間寵物城,不如行前d去"紅蘿蔔"佢都係大型寵物店,但0個到d服務態度好過寵物城好多,同佢地既價錢平過寵物城又好多,我上次係紅蘿蔔買左個寵物玩具$14蚊,之後係寵物城見到三十蚊啊,其他寵物食品,貨品寵物城都貴過其他寵物店好多,雖然我係寵物城既會員買野有折,但係折完之後都仲貴過人地好多,所以我以後都唔會再去寵物城買野,我介紹大家去紅蘿蔔買,佢同寵物城都係大型寵物店,但無論價錢服務態度,仲之所有都好過寵物城十倍呀!!!

首先奉勸你唔好買~
因為有d寵物店係會同的動物打左針
會令d寵物睇起上黎的活潑同好生猛
會當你買左返去之後......
由於寵物停止了打針的關係
身體健康會急劇下降
試過有人買左寵物返屋企之後唔夠一星期就死了......
我以前都試過......
買左6天之後就死左,,,
最慘係睇住佢每日身體越來越差.....
睇獸醫仲話佢冇得救........
好心痛!!!

你有無買到呀
千萬不要去呢啲寵物店買貓狗呀
真係一啲保障都冇,好容易有病
佢地真係呃錢呀
如果你真係好想養不如去收養呀
一來可以求啲動物
二來佢地唔會收好貴,一定唔會比啲有病動物人