獨資公司,合夥公司,股份有限公司是什麼

獨資經營公司(sole proprietorship)只需一個人就可以開,而且開一間獨資公司既手續比較簡單,老闆同下屬既關係會比較close,決策時間亦會比較快,因為得一個股東,但係資金來源會比較少,公司既延續性會較低,因為得一個人管理,佢死左間公司就唔可以做落去,而股東亦係要負擔無限債務(unlinited liability),當間公司破產之後,股東需要變賣自己既家產去抵債

合夥公司分為兩種,而兩種既股東人數都係規定要2~20個人之內。其中第一種係普通合夥公司(general partnership),特色只係入面所有股東都係要承擔無限債務。而第二種係有限合夥公司(limited partnership),入面最少要有一個普通合夥人(general partner),佢係要承擔無限債務,但公司入面一定會有一個或以上有限合夥人(limited partner),佢係可以享有有限債務(limited liability)既特權,姐係公司倒閉,佢地最多只係蝕左投資左既錢,私人財產係不受影響,但佢唔可以參與公司既行政,只係有份投資。呢兩種合夥公司都會有比較多既資金來源,開辦一間合夥公司既手續都唔會太複雜,但合夥公司係法律上唔係一個法人,而決策時間會比獨資公司慢,因為要所有合夥人同意,合夥公司既股權要轉讓既話,就要得到所有合夥人同意先可以轉讓比人,合夥公司人數規定唔可以超過20人,所以股東同股東或者下屬之間既關係都會比較close,不過合夥人一拆夥,合夥公司就唔可以繼續經營。

股份有限公司亦分為兩種,第一種係私人有限公司(private limited company),佢既特點係股東人數要係1~50個人之內,可以發行股票,但係唔可以放係聯交所買賣,而股份轉讓亦都要得到所有股東同意先可以轉讓。當一間私人有限公司擴展佢既業務,規模愈做愈大,就可以申請轉成一間公眾有限公司(public limited company),可以申請上市成為上市公司(listed company),上左市之後,公司所發行既股票就可以係聯交所自由買賣,姐係股權可以隨時轉讓,唔洗經所有股東同意,股東沒有人數上限,1個或以上就可以,公司所得既資金來源亦會大大提高,但只有佢就要承受公司隨時都會比人收購既風險,而且只有公眾有限公司係要對外公開佢既財政報告(例如係報紙刊登),其他種類既公司都係唔洗公開的。
呢兩種公司入面所有股東都可以享有有限債務,而公司亦係一個法人,股份有限公司既延性一般都比較高,但公司決策都好煩複,因為公司規模龐大,要開會,投票等等,決策時間相對會比較耐,股份有限公司要交既稅率會比獨資公司同合夥公司高。

獨資即係 sole proprietorship: 資金少 d 啦！咁自己死左想延續生意就除非有人幫你繼承至得 la...

合夥即partnership:其中一個拍檔一拆夥, 成間公司就冇得再經營. 同埋同獨資一樣係會 unlimited liability. 即債務會上身, 欠債係要變賣個人資產去償還債務.

股份有限公司即 limited company: 係有得發行股份去集資, 同合夥唔同之處就係即使有人拆夥唔 no 都仲有得繼續營運. 債務係唔會上身. 公司欠債最盡都只係變賣公司資產, 同個人資產冇關. 還到冇得還錢, 咪清盤賣晒公司資產換錢還錢俾債主, 先再分錢俾優先股股東再到普通股股東.