買樓急問--(10分

✔ 最佳答案

我唔理您張臨時合约有嘜條款，但我可以話您知，您律師點您！！！

千真萬確，我入行超過三十年，现在律師界水準，一代不如一代！

揸正嚟做，你買楼俾嘅任何錢，除經紀佣金外，一分一毫都應先存入律師樓户口，再由律師樓自己開票出去，律師樓點樣開票，佢要负責！您有收據，清清楚楚，將來有得跟！

提醒您！您律師叫您自己打票，將來有事，佢一定懶您自己開上嚟嘅，唔關佢事！

事實，點樣寫票，每個file唔同，不能千篇一律，但業主有二人，若開俾一個，則必须要另一人簽同意書才對！

假若您對我所言有懷疑，又或您律師夠胆話我唔啱！好簡單，打電話或寫信或親身上律師公會，要求澄清，又或請教另一間律師行，根據律師守則，應該點做！若有律師唔識答您！叫佢查呢一句.........律師是否他當事人嘅代理人。

話您知，點解依家D律師樓水準會大跌，咪係因為取消咗定額收费囉，搭的士都有落旗定額收费，辛苦考個律師牌，開間律師樓要幾大成本，又要负责呢樣嗰樣，但就俾D賤人搶食，請D無經驗嘅返工填格仔，嘜都敢死，衰咗走去報燕疏，累死同行一齊加保费！就算忍吓照捱，但睇見張單得雞碎咁多costs，嗰個經紀個份佣大幾倍，真係顶到上心口，吹賬！

2006-10-26 10:36:49 補充：
如果有人話您知，賣方得一個人有銀行户口，叫您開票寫一個人名，但又唔交出同意書，您唔同意，佢就話您玩嘢，咁您唸係嘜呢！呢樣嘢，有案例啦！卽使合约有簽收，但有案已講明唔算数，不能成證據，要証明您有俾佢有收落袋。講開票，亦有案例，賣方只會收現金及本票，但一般律師樓同行都接受律師行票。我都考咗地產代理E牌，EAA有好多指引監管！冇人知！不過，我也有班經紀成日幫襯我，可以話您知，佢哋自己D嘢就樣樣揸到正正，但介紹客上嚟，就嘜都事事彈彈，至好快D攪掂有佣收！最後要提您，時至今日，法例重未规訂，地產代理要買保險，衰咗？潮洲音樂，自己顧自己，告赢都要佢有錢賠至得！

2006-10-26 23:52:53 補充：
賣方律師有責任核實才放票。

回答 (2)