如果我想家計會幫我做墮胎手術咁佢地會唔會通知我家長gar?

未夠18去家計會終止懷孕係要你揾家長簽名的!!

去左家計會未？如果未就講個流程你知啦

１）去青少年保健中心（旺角或灣仔）
２）登記
３）見姑娘，知道你未足十六，會轉你去見社工
４）社工會了解你既情況然後再決定點做
４．１）有學校社工ｏｒ相熟社工會叫你聯絡佢
４．２）冇社工跟會說服你同家長講
５）如果你唔肯同家人講．．．．基本上佢都會留你．．．．．．佢都會放你走左
５．１）如果你有社工跟，就由你社工同你商量喇
５．２）如果你肯同家人講，佢會幫你同家人解釋

另，我接觸過好多既未成年少女既懷孕個案，最終都順利得到家長既原諒，所以你唔需要太擔心，只要對父母保證你唔好再犯同樣錯誤，大部份父母都會支持你既


可能你會關心到．．．ｂｂ經手人會點呢．其實不論家計會又好，你本身個社工，未得你或家人同意都唔會將佢既身份公會，亦唔會報警既，因為佢係一間保健中心，而唔係一間拉人既機構，所以你可以擔心少一樣野喇

小妹，唔好再拖喇，ｂｂ愈大你愈難處理呀，唔想咁就搵學校社工ｏｒ你信得過既老師傾下先啦（後者唔保證佢唔同學校講）

唔可以再有下次喇

家計會的青少年保健中心可能會把個案轉介的, 因此未必通知你屋企人, 但係他們專業幫青少年呢方面問題, 一定唔會幫唔到你

無論發生咩事, 屋企人永遠係幫你既, 最多係比呀媽鬧下, 叫你走, 但過幾日還是照顧你

通知呀媽無事架喎, 墮胎係手術黎, 先唔講通唔通知家長, 如果你其他弟弟妹妹有左BB, 你覺得呀媽知道好定唔知道好呢? 永遠係屋企人是最照顧到你

你可以打電話去三間青少年保健中心問下, 呢三間中心分別係灣仔2575-4799, 旺角2770-4994, 荃灣果間現在暫停左, 越快找合法機構幫助, 對你越好, 也可以打青年協會既關心一線 2777-8899

其實你已經受到了傷害, 現在要養傷, 不要害怕, 無論是醫生, 學校, 社工, 老師, 母親的抉擇, 青少年保健中心和你家長, 大家不是要害你, 而是幫助你, 但也要你願意讓人家知道有問題發生, 人家才能幫你的

其實你應與家長商量。不要害怕！家計會也先與你商討，助你了解問題。

好大機會要噃!仲會俾個度d人罵一餐(好惡的),不過都要先解決問題,唔好等啦!我之前有個朋友就透過社工幫佢安排到家計會,如果係驚可以問問社工意見,社工好好人的..