戒煙貼幾錢???

响有藥劑師的屈臣氏就有得賣，藥劑師可以通過你的平日吸煙量响份量同療程方面提供專業意見。份量同療程視乎你的煙癮有幾深，佢既原理係將尼古丁透過皮膚滲入身體同大腦，幫你壓抑心癮先，你自己就專注對付手癮。我用過的牌子係一盒七塊貼，要兩舊水一盒，每日貼一塊，整個療程要八個星期。開始果兩個星期仲會偷偷食一兩支，好彩貼了四盒已經可以完全唔食，再買兩包戒煙香口膠頂下口癮就甩掉。不過戒煙最難係身邊有同事/朋友响你面前食，又遞支過來果下，真係要好忍得口架!

始終食煙係傷身，唔食煙留番既錢隨時夠你食晏架!探平食私煙?果D好多根本係假煙，裡面乜都有，連木碎報紙都有，D人一食私煙好多時我都聞得出，因為燒出來既味好Q臭架!想像下食入個肺度幾傷身!唔好自己呃自己，戒煙啦!

2006-10-25 16:14:07 補充：
每張約最高係2包煙價錢

政府又加煙稅，戒煙貼又咁貴，政府為何不贊助戒煙產品，大大降低戒煙產品價格。真另人懷疑居心不良。