✔ 最佳答案
係呀, 以前就有小圓山係尖沙咀加連威老道..不過此店開左差不多一年就結業啦..我都係食左一次就無再幫襯...我自己覺得以下幾間既台式食店都唔錯
1.西門町台灣麵食 - 旺角通菜街2號鴻光大廈2N號地舖 2332-4673
此店既價錢夠大眾化, 食物又唔錯,所以一般來講都幾多人架..最欣賞佢地既腐皮蚵仔煎又香口又唔會覺得好油膩; 仲有佢地既新竹米粉都好正唔係間間台式食店有得供應所以每次來都會叫來食; 魯肉飯都夠多汁多料又係值得一試既食物...仲有佢地既珍珠奶茶都好正宗d珍珠煮得唔錯, 平均每人消費約$50左右
2.大婆牛肉麵 - 九龍城福佬村道5至9號地下C號舖 2718 2889
此店既牛肉麵真係好值得一試, 個湯底好香好濃牛肉汁味, d牛肉又多又淋配埋d紅蘿白, 蘿白等配料唔錯, 仲有佢地既台式小食如鹽酥雞同係台灣食既一樣不過就係覺得唔夠九層塔啦..皮蛋肉鬆豆腐都係好正, 佢地既份量都幾多下如果細食既人就最好唔好叫咁多樣野食..平均每人消費約$50左右