YAHOO 知識+ 做到周街(成個YAHOO)都大學生, 同政府85000有什麼分別?

你覺得失望, 我都好戥你可惜. 不過, 亦唔好一竹篙打晒一船人.
如果話週街都係大學生, 其實又有何不妥呢? 如果眾生平等, 人人都有機會或資格做大學生, 咁都唔係壞事吖; 大學生都有好有唔好架. 人格唔講, 單係講成績啦; 成績都有高低之分.
何況, 而家唔係話求學不是求分數咩; 上來知識網的人都係想尋找知識, 或者將自己所知所識的貢獻出來畀有需要的人. 得到認可, 甚至有分數或等級, 只係作為一種獎勵, 並唔係要用來競爭或爭拗的.
要知道, 知識係自己的, 任何人都攞唔走. 我地更可以從呢種互動過程中, 補足自己的知識; 我地以前學的原來只係片面, 所以, 來到知識網, 認識更多的人和事, 大家互相分享同補足, 分分鐘學到的知識仲多過以前添.
對於果d只係抄書, 自問自答或者存心搞破壞, 以至只會負評及中傷別人的, 我覺得佢地根本唔應該甚至冇資格係知識網出現. 但Yahoo有咁高的瀏覽及使用人流, 有時少不免會出現控制唔到的場面, 可能因為咁, Yahoo的管理人員就要殺一儆百, 或者抱住寧可殺錯而不可放過的態度啦. 其實, 係應該要體諒佢地更改制度的做法; 積極的話, 唔滿意就去投訴, 消極的咪唔參與囉. 基本上冇人迫到你做任何事的.
希望你唔好因為少少挫折或唔順意, 就失望而離場; 你有心貢獻知識的, 就應該用真誠的心意, 去繼續幫助有需要的人, 同貢獻自己的力量, 而唔係抱住玩玩吓心情. 當然, 如果你一開始只係用遊戲人間的心情來知識網, 咁我希望你亦唔好太認真. Take it easy; 而家就當作曲終人散咪算囉. 最緊要唔好傷和氣, 滿懷怨憤只會令自己唔開心兼鬱悶咋!! 希望你放開心懷啦.

正在淡出

阿Edward兄,你要明白,呢個係商業社會,做乜野都要有利益,你估yahoo班友仔真係好得閑無野做,寫個yahoo知識programme出黎免費比你玩咁呀？google已經搶左yahoo一哥既地位,佢再唔諗辦法吸引流量就好快被淘汰,呢個知識網既目的就係吸引流量,日日都有幾百萬個click,yahoo自然有收入,你係度玩到幾多分其實真係關佢地鬼事咩,分數係虛而,又無獎既,比Ｄ mission你咪日日走黎玩羅,呢D都係心理學黎架。
就算週街都係知識長又如何,yahoo都已經得到佢想要既野﹣﹣﹣﹣瀏覽量。你明唔明呀！

我都同意，尤其是有好多都是在其他網頁找答案復制過來，呢種行為根本就不代表那個人有學識，只代表他是找資料專家及復制專家！