✔ 最佳答案
如果係d舊式大廈或用中央空調就較差, 因為既冇鮮風出入(唔開得窗或者空調系統老化), 亦唔能將d空氣過濾得好d. 試想一下, 你波士and同事食煙, 呢個病果個咳, d空氣走來走去都離唔開幢大廈, 只不過係來回或上下咁流動運作, 例如由三十樓一路run番落二樓咁, 又由二樓抽番上三十樓, 途中又經過四五六七...咁多層樓, 但永遠冇話將d室外鮮風(無論出面有冇空氣污染啦)帶番入個系統, 來去都係同一度氣, 點會唔病喎.
仲有呀, d大廈設備老化或維修唔妥善, 唔定期洗空調系統, 積晒d細菌, 凝固成水珠, 一陣又蒸發番做冷氣, 又再吹送番各層辦公室, 咪即係將d細菌帶番入去囉, 就算你唔病, 個鼻都會敏感啦.
呢個問題好難解決; 而家d新式商廈, 或者有獨立空調系統的就好d, 因為可以減輕中央空調系統所產生的問題, 以及, 設備、管理及維修都較新較完善, 所以, 係入面做嘢的人都會健康d.