我好想離婚,但是有小朋友.
點先可以解決,未發現前,他人前人後都是個好男人.
發現老公有 去滾,可以點???
2006-10-25 10:46 pm
回答 (9)
2006-10-25 11:16 pm
✔ 最佳答案
如果想離婚靜靜地收集他去滾証據
然後當面對質
或者當場踢爆
那妳便可以用配偶忠而單方面申請離婚 和小朋友的撫養權
如果不想離婚但又想他唔去滾
那就要好好部署一下
Plan 1 表面當冇事發生
Plan 2 暗地裏查一下他去滾原因 並且對症下藥
Plan 3 打溫情牌 多啲 family day 對他更加好和溫柔大方 更體貼入微
Plan 4 表面對他更依賴 加強他對家的重要性
Plan 5 暗地裏學習財政和生活獨立
Plan 6 暗示妳已知道他去滾 再觀察他反應和行為
不要衝動 仔細想一想 or 和朋友家人傾吓
然後慎重的出決定
好好的計劃將來
2006-10-27 2:18 am
其實我一年前亦曾試過咁既問題,未發生呢件事之前,我係以我老公為榮,但發生左事之後,我就以佢為恥,雖然而家大家係番埋一齊,但始終心入面係有條"次", 無論點都好,發生左就係發生左,係冇得改變的,由當初佢唔認有第三者到佢認,跟住佢放棄左我同個女,而日日返去深圳二奶到,個刻既打擊真係好大,因為根本接受唔到呢個事實,當時我用左好多好多唔同既方法,希望佢可以回心轉意,(包括:用佢亞爸亞媽既壓力,用我個女威脅佢等等)最係到左我真係想放手既時候(因為我有第三者出現),佢終於清醒,還每日都打好多次電話俾我,但我係冇聽到,因為我怕佢會再傷害自己(因為我已比過超過十次機會佢,每次比完機會佢,佢唔駛一個月就去番個二奶到,佢話忘記唔到佢),但到最係我都同自已講比多次機會佢,因為我地始終有個女,而直到今日,我同佢都相處得好好,而且我覺得佢仲好過以前,同埋佢肯為我地付出,不過我既故事只係給妳參考.因為每個男人都唔同,如果佢真係愛妳,佢始終有一日會清醒,如果佢對你已冇晒感覺,就算你做幾多嘢都係白費的,,,,, 最係都係個句,最緊要係浪子回頭都埋有冇猫係唔食魚
2006-10-25 11:52 pm
其實你首要冷靜落嚟，然後再同你老公坐底傾吓，問佢發生左咩嘢事，點解會做出一啲咁傷害你嘅事。其實男人有時候係為左面子，喺啲豬朋狗友面前吾衰得，又或者一時低受吾到誘惑而做錯事。但係都要問吓自己重愛吾愛佢，其實每個人都會有做錯嘢嘅時候，吾好知到左呢件事之後就想到要離婚，佢可能真係一時糊塗呢!比個機會佢同樣要比個機會自己啦!畢竟你地都有小朋友，試吓盡量冷靜想吓、傾吓，一定有好既解決方法，但係如果佢真係一個吾會改嘅大滾友既話，就要認真想吓重值吾值得喺一齊，不過一定要心平氣和，千其吾好以氣用事！
2006-10-25 11:44 pm
我自己爹d都係有外遇, 一樣係人前人後的好男人, 所以我好明白你感受, 但我覺得最重要係你同你先生要溝通下先, 睇下起因係咩, 但千萬不要打草驚蛇, 而且問題起因未必係是但一方, 以我屋企為例, 自從我媽咪出外工後, 很多家務變由我爹d做, 爹d面對這樣, 開始慢慢覺得唔開心, 他去做義工時偶然識了那個女人, 有很多事情, 都係相方面的, 直到現在, 即使我知道了爹d外面有女人, 都無同家裏任何一個人講, 因為感覺到爹d仍對這個家心存記掛, 如果唔係, 你先生一早就同你離婚啦, 唔駛等你開口, 有些事情, 只要你肯多聽多溝通, 自然可以解決到, 如果你想你先生回頭, 有一個完整的家, 就唔好直接問那個「她」的事情, 盡力做好本份, 慢慢化解大家的問題, 咁你先生會漸漸記得你的好, 慢慢遠離那個女人...
至於你的的小朋友, 若然真係要離婚, 一定要好好的解釋清楚你們為何要離婚? 不要用太多偏激的說話, 因為這些說話係好影响小朋友的日後成長, 我自己都係你所口中的「小朋友」, 坦白說, 只要你肯講得清清楚楚, 小朋友係一定明白你的, 他們也可以同樣為你分憂
P.S. 其實我今年都26歲了
至於你的的小朋友, 若然真係要離婚, 一定要好好的解釋清楚你們為何要離婚? 不要用太多偏激的說話, 因為這些說話係好影响小朋友的日後成長, 我自己都係你所口中的「小朋友」, 坦白說, 只要你肯講得清清楚楚, 小朋友係一定明白你的, 他們也可以同樣為你分憂
P.S. 其實我今年都26歲了
參考: 個人感受
2006-10-25 11:16 pm
最緊要係.....你覺得自己可唔可以(有無能力)帶得大個小朋友, 如果跟老豆好慘(後母唔會疼), 但係跟你, 你就會好難找到另一個, 唔係咁多男人可以接受到女人帶住個仔拍拖.
如果你認為你可以帶大佢, 而你又唔會怨個仔累你, 咁你可以同佢離錉.
但係我就覺得老公去滾, 唔係大件事到一定要離婚, 除非佢經常去, 而且亦都無悔意, 咁既男人唔要罷就.
但係如果佢係受朋友影响, 去過一次半次, 可能佢自己都唔原諒自己? 咁係值得原諒.
俗語說: 没有不吃腥的猫(男人都好色, 絶大部分男人都會去滾)
另外, 男人會去滾, 女人都有責任.
男人不會好端端的跑去滾的, 你都要檢守自己係咪有做得唔好既地方? 有無對老公呼呼喝喝, 有無顧住小朋友而忽略個老公既需要OR感受.......
諗完係覺得自己都有D問題既, 就要改下, 兩個人相處最重要係溝通, 有咩就羅出來講, 睇下有無解決辦法, 你有咩唔開心要話俾老公知
如果你認為自己無犯咩錯既, 佢都係去滾既, 咁就同佢離婚啦.
2006-10-25 15:27:12 補充：
我好認同jobjobmak講: 暗示你己經知道佢去滾, 睇佢咩反應.如果佢有解釋OR否認, 咁佢都係重視你, 不過你亦都要佢明白, 如果發生咁既事(或者係再一次發生咁既事), 你係唔會再俾機會佢除非你真係離婚, 如果你選擇俾機會佢, 咁就要放低件事, 如果唔係, 只有自己辛苦
2006-10-28 20:34:28 補充：
可唔可以講下, 去滾係指去外面找女人逢場作戲, 定係有第三者出現?我理解既去滾係去外面找女人逢場作戲, 咁我可以原諒, 但係如果係有第三者, 我就會選擇同佢離婚, 一次機會都唔會俾對方
如果你認為你可以帶大佢, 而你又唔會怨個仔累你, 咁你可以同佢離錉.
但係我就覺得老公去滾, 唔係大件事到一定要離婚, 除非佢經常去, 而且亦都無悔意, 咁既男人唔要罷就.
但係如果佢係受朋友影响, 去過一次半次, 可能佢自己都唔原諒自己? 咁係值得原諒.
俗語說: 没有不吃腥的猫(男人都好色, 絶大部分男人都會去滾)
另外, 男人會去滾, 女人都有責任.
男人不會好端端的跑去滾的, 你都要檢守自己係咪有做得唔好既地方? 有無對老公呼呼喝喝, 有無顧住小朋友而忽略個老公既需要OR感受.......
諗完係覺得自己都有D問題既, 就要改下, 兩個人相處最重要係溝通, 有咩就羅出來講, 睇下有無解決辦法, 你有咩唔開心要話俾老公知
如果你認為自己無犯咩錯既, 佢都係去滾既, 咁就同佢離婚啦.
2006-10-25 15:27:12 補充：
我好認同jobjobmak講: 暗示你己經知道佢去滾, 睇佢咩反應.如果佢有解釋OR否認, 咁佢都係重視你, 不過你亦都要佢明白, 如果發生咁既事(或者係再一次發生咁既事), 你係唔會再俾機會佢除非你真係離婚, 如果你選擇俾機會佢, 咁就要放低件事, 如果唔係, 只有自己辛苦
2006-10-28 20:34:28 補充：
可唔可以講下, 去滾係指去外面找女人逢場作戲, 定係有第三者出現?我理解既去滾係去外面找女人逢場作戲, 咁我可以原諒, 但係如果係有第三者, 我就會選擇同佢離婚, 一次機會都唔會俾對方
2006-10-25 10:58 pm
其實我個人就好反對離婚既,
我作為一個天主徒仲係唔可以提出離婚既tim,
起瑪你而家都有細路丫,
你想唔想要番你既小朋友先,
你離婚之後照唔照顧到自己先,
其實你有冇誤會左佢先, 如果係因為誤會而離婚就唔好啦,
因為佢可能真係一個好男人, 你睇到既唔係事實既全部,
姐係做戲都有做啦, 可能係你睇錯呢,
其實有咩野都應該攤出黎講,
睇下佢有咩解釋都好丫,
就算真係呀, 佢解釋既話姐係佢都重視你丫
我作為一個天主徒仲係唔可以提出離婚既tim,
起瑪你而家都有細路丫,
你想唔想要番你既小朋友先,
你離婚之後照唔照顧到自己先,
其實你有冇誤會左佢先, 如果係因為誤會而離婚就唔好啦,
因為佢可能真係一個好男人, 你睇到既唔係事實既全部,
姐係做戲都有做啦, 可能係你睇錯呢,
其實有咩野都應該攤出黎講,
睇下佢有咩解釋都好丫,
就算真係呀, 佢解釋既話姐係佢都重視你丫
2006-10-25 10:54 pm
立即離婚!
好9呀 你唔離佢遲早都去滾架啦!
好9呀 你唔離佢遲早都去滾架啦!
2006-10-25 10:54 pm
找私家偵探幫妳, 弄錯了就唔好喇; 弄對了..當然更唔好, 但起碼沒冤枉及保障離婚後的權益
2006-10-25 10:53 pm
睇下你自己需唔需要佢份家用囉..
係人面前係好男人有鬼用咩...
係你面前做到先得架...
最梗要係你自己搞清楚...你老公仲係咪愛你...
如果係就比多次機會佢啦./..
係人面前係好男人有鬼用咩...
係你面前做到先得架...
最梗要係你自己搞清楚...你老公仲係咪愛你...
如果係就比多次機會佢啦./..
收錄日期: 2021-04-12 17:59:42
原文連結 [永久失效]:
https://hk.answers.yahoo.com/question/index?qid=20061025000051KK01620