問題！~~~

首先,我要講番,我有check番你之前出過嘅email,由你話就嚟番工好擔心,到依家呢一個post,全部睇咗一次。

你比我嘅感覺,其實唔係真係好覺得自己冇用,反而係抱怨你嘅同事多d。由第一個問題,你話怕羞,驚唔夾d同事,到之後,你覺得上手慢,見d同事忙又唔敢問,到依家你覺得你d同事唔鐘意你,反而對個細路仔就好好。將你同以前做同事比(而好明顯你覺得你做得唔好唔係你嘅錯)。你要明白,出嚟做嘢,你做得個post,咁做得好,係理所當然嘅事,你問心,如果你個股票經紀同你講,佢係新人,唔係好識嘢,不過就蝕晒你嘅投資,咁你會唔會因為佢係新人未做過而諒解佢呢?

再唔客氣d講句,你話你唔係普通文員,係要管貨嘅,咁你覺得要管貨有幾唔普通呢?會唔會係因為咁你好自覺咁原諒自己嘅錯呢?其實每個人都會錯,新人同舊人都會,但係必須要汲取教訓,唔好成日錯埋同一樣嘢。

至於你話你fax同email唔係好識,但係憑你打出嚟嘅呢篇文,我又覺得你都ok喎,起碼打中文都幾好。所以,唔好成日用第一次做文員呢個藉口原諒自己。要學用fax有幾難?你識唔識用手提電話?

最後,睇你篇文,覺得你同d同事關係麻麻。當然唔可以否認人夾人綠,但你有冇諗過其實係因為你自己唔夠主動,有唔明又唔主動咁問,(睇落你幾被動,希望人哋主動嚟問你有乜唔明)。所以冇辦法打入同事嘅圈子,當你23歲,你同事都會當你係一個大人,唔會下下嚟呵你,(我唔知由中五畢業到依家,起碼都6、7 年,期間你做有冇做過嘢,有嘅話你應該知道個分別),所以唔好再complain(你比我嘅感覺係complain)呢樣嘢。如果你仲想keep住份工,同埋做得開心d,你就要自己主動d同班同事social (呢個係基本嘅求生方法)。同d同事一齊食晏,friend咗之後,佢哋會教一d工作嘅技巧比你,做嘢亦會易上手d。

不過,都係果句,路係你自己嘅,要點行睇你自己。

你可以打咁大篇o野，斷估你d中文打字都唔係差得去邊。
你話fax、email 唔係好識，但又識嚟yahoo post 問題。
讀書都讀過，『不為也，非不能也』，你不是沒有能力去做，而是你不願意去做。
你只得23歲，仲有大把野要學，機會唔會從天而降，你一定要主動爭取。
攞個心出嚟，先做好自己的本份，唔好連自己都睇唔起自己。