✔ 最佳答案
我個friend今年九月係力高買左隻八哥, 返到屋企流鼻水咳, 我建議帶佢去睇獸醫麥子健, 但麥子健無位, 之後佢就帶左佢去第二個醫生度睇話佢狗房咳, 開咗d葯食, 咁我個friend話即刻打電話同佢地講, 個老闆娘就建議佢自己醫或幫佢湊返好, 咁我個friend就話自己醫, 但個保證期就等佢好返先計, 過多兩日我個friend心血來潮驚狗狗有事, 即刻帶佢去麥醫生度, dr mak話佢有狗瘟症狀, 要小心處理, 唔係會演變成狗瘟, 唔可以冷親佢, 開左廿日葯, 診金葯費共五百, 過多幾日覆診, 起初我個friend好驚, 狗瘟喎! 好危險, 咁又打電話返力高度講, 佢又係建議佢自己湊返, 有咩事換過隻或換其他野, 但幾日後覆診, 麥醫生話佢好返晒唔洗再食葯, 驚就俾埋佢食啦! 咁佢隻狗狗就真係好精神, 咁咪無事囉! 其實力高賣果d係大陸狗, 因為佢一次過返好多隻, 成籠咁, 又幾隻狗狗困埋一齊, 係犯法架! 咁樣好易互相傳染, 你唔好將狗狗交俾佢, 自己湊啦! 咁果個老闆娘態度又唔係太差, 你咪帶佢去睇醫生囉! 留係petshop多菌唔係太好! 無話睇獸醫一次清, 都要睇下狗狗病到咩程度, 不算太嚴重兩三次清, 所以你都係自己湊返啦, 有邊個可以代替主人照顧得狗狗細心, 乾淨又安心丫! petshop只會將佢放入一個一呎半籠, 食痾訓都係果度, 又污糟又無人理, 一日咁多隻狗邊有人細心照顧佢呀? 活動都無, 你同佢訓都訓得唔安樂啦! 狗瘟聖手麥子健同何大成, dr ho唔睇新症, dr mak就係太平道寵物診所, 好難book, 越早醫好返機會越大!