我想問成人尿片幾錢？

一般$30以上一包, 約10片; 有一間專賣呢d保健用品及復康用具的店舖, 好似叫做真善美, 果度好多成人尿片, 不同品牌都有. 有一款係本地造的; 佢有唔同size及包裝, 其中有一款只用透明袋袋住的仲平. 呢個牌子好多老人院都集體訂購架(好似叫護老寶咁上下).
去藥房買會貴少少, 因為佢地專賣某幾隻品牌, 冇呢d保健或復康用品店咁集中賣呢d用品.
仲有間叫做康樂軒(定係叫樂康軒的, sorry, 我唔記得清楚, 總之係呢三個字), 佢賣的成人尿片貴d; 佢有一款係德國造的尿片及尿片芯. 如果係尿片芯, 即係要著番條褲係入面的, 就只係廿鬆d蚊; 果隻尿片直頭係當內褲著, 要成六十蚊, 但幾好用 . 我爸爸咁孤寒都情願買呢隻來用, 因為覺得好襟好好用.
真善美我記得係西環、旺角(近水務局果邊的亞皆老街)、土瓜灣同牛頭角花園大廈(近喜鵲樓果邊, 即係舊花園大廈果度)都有分店. 至於樂康軒就係灣仔莊士頓道(即教會大樓對面)同紅磡廣場對面有分店.

我都是在這網站訂雜誌的http://suo.im/5d60j