狗瘟令人好煩惱,令狗好痛苦@@

我隻狗狗9月頭都有狗瘟, 仲有腸炎tim, 狗瘟都維持左3個多星期...佢病情都好反覆, 唔肯食野, 果時我要用針筒打入佢口度比佢食(係食royal canin果d營養罐頭)..依家好番晒啦, 岩岩上個星期打番第一針..過多一個月再打第二針就可以出街同沖涼啦..我隻狗狗都有d上腦. 佢依家唔郁時個頭會郁下郁下咁..醫生話佢都算好彩, 因為咁樣好易有機會抽筋, 但係佢都無(起碼我未見過)..依家佢有一直有食vitamin b (對抽筋有幫助)..你唔好放棄佢呀! 只要你唔放棄, 狗狗都會努力捱過架..最緊要佢肯食野, 果時醫生話佢唔肯食野時, 你乜都要比佢食..或者你試下用水煮d雞肉再撕開細細條比佢食啦...因為好多病狗都鐘意食..我果時見佢肯食罐頭所以無試到...總之佢肯食野就有希望, 唔肯食都要逼佢食呀..有咩問題email我啦: [email protected] (希望幫到你)

Canine Distemper， 犬瘟熱， 狗瘟
由 Canine Distemper Virus (CDV) 病毒所引發， 高度傳染性， 死亡率極高


病徵:

發燒 (103 ~ 106 F) ， 為初期病症
呼吸及消化系統的病症， 例如: 肚瀉， 大便帶血， 咳嗽， 嘔吐， 食慾欠佳
眼和鼻有濃的分泌物 (由透明水狀轉為青黃色粘狀)
精神不振， 體重下降， 疲倦體弱
打噴嚏，鼻乾

- 早期症狀與感冒類似， 故主人難以察覺。
- 可引發 継發性支氣管炎及肺炎 pneumonia。
- 大多數情況會進展到神經系統，引致腦炎 (encaphalitis)或 脊椎炎而出現步態不穩， 哼聲，抽筋， 麻痺，癱瘓 無力 等神經症狀。
- 犬隻大多數會死於神經系統的併發症。

- 症徵會因病毒的毒力、犬隻年齡及免疫情形以及環境而有不同。
- 感染到的犬隻有 50 ~ 70％ 出現症狀。 年齡越大的狗神經症狀越明顯。
- 介乎 3 ~ 6 個月， 未免疫之幼犬是最容易受感染， 死亡率亦高於成犬。
- 未免疫之成犬亦很容易受感染 。


潛伏期 :

約 6 ~ 14 日， 此段期間犬隻雖帶有病毒， 但病徵不明顯， 很難察覺到， 但潛伏期過後， 所有病徵便會一下子出現。


傳染途徑 :

- 受感染的犬隻經體液及分泌物 (包括尿液及糞便， 尤其是呼吸道分泌) 散播病毒。
- 主要傳播途徑為空氣傳染 (airbone transmission)。
- 病痊後數星期仍會散播病毒， 完全康復後無傳染性。
- 未免疫之幼犬很容易在外出或於寵物店受到其他已受染的犬隻傳染。
- 總而言之只要有狗到過的地方， 都會有病毒的存在。
- 人類亦會通過手、 腳、 身體及衣服等將病毒傳染狗隻。


治療 :

- 目前沒有特別針對性的藥物，只能採取支持療法 (supportive treatment)。
- 一旦出現神經症狀，犬隻可能要接受安樂死，因為病毒已經入侵神經系統，會一直抽搐至死，很痛苦的。


後遺症 :

- 已康復的犬隻常有神經系統的後遺症例如歪頭， 不自主抖動，行動失調。
- 嗅覺，聽覺及視覺等神經系統的永久損壞。
- 部份及全身麻痺亦是常見的。
- 已康復的幼犬由於琺瑯質未能適當發展而引致牙齒變黃， 甚至有斑點出現。
- 鼻子及肉趾亦可能因此而變厚，故亦被稱為 Hardpad Disease 。



預防 :

- 注射預防疫苗， 使身體產生足夠的免疫抗體， 任何年齡的犬隻都應定期注射。
- 幼犬在未打齊 3 ~ 4 次預防注射前， 應該與其他犬隻完全隔離。
- 也不應帶牠們外出， 因為屋企範圍以外任何地方都佈滿病毒。
- 幼犬打齊預防針兩個星期為方可安全地外出。

參考資料 :

http://www.animalhealthchannel.com/distemper/
http://www.petplace.com/articles/artshow.asp?artID=2465
http://www.vetinfo.com/dencyclopedia/dedistemper.html
http://members.shaw.ca/virology/caninedistemper.htm

佢而家打緊仗呀! 佢肯食證明佢好努力去對抗病毒, 你身為佢主人要支持佢, 關懷佢, 唔好打佢鬧佢, 有狗瘟當然唔可以打預防針啦, 基本上清淡有營養既食物都可以俾佢食, 最好高旦白質既狗罐頭加狗糧, 狗糧盡量浸淋等佢易吸收, 屋企要保持清潔及空氣流通, 每日要幫佢清潔分泌物, 眼屎鼻涕, 用熱毛巾幫佢抹手腳及身, 唔做得就係沖涼同埋冷親佢, 食左葯既狗狗當然無力成日訓啦, 佢都有可能辛苦係度叫, 但又可能叫你抱下佢, 錫下佢等佢有安全感, 佢有狗瘟咁耐都咁堅持, 又肯食野, 你都要無限量支持佢呀, 我都支持你呀! 睇麥子健啦!

有狗瘟既狗仔係唔可以打預防針的, 一定要等佢好噃晒先可以.

有狗瘟既狗仔基本上什麼都可以食(最好暫時不要給零食), 因為只要狗狗肯食嘢, 佢就有得醫, 食物可供營養增強體質, 當然你要按時給狗狗食藥. 但有狗瘟既狗仔一般都唔想食嘢, 因為狗瘟 d 病毒會令狗狗的嗅覺出現問題, 就好似人傷風時一樣--鼻塞, 嗅唔到任何氣味, 而狗狗想食嘢是因為嗅到味. 你一定要俾心機, 少少的喂狗狗食.

呀~~~人生病都無哂力啦

你可以去以下website睇吓
www.hkpet.net