牙肉好痛~救命呀!!!!(20分呀!!!救下我啦~)

同我兩年前ge情況一模一樣
我四年智慧齒都出齊
其中一隻都係好似你咁o係牙肉度爆出黎
但係我冇去牙醫度拔

我以前舊牙肉腫到係o係面度凸左一小舊野出黎
試過腫到o個忽肉好熱好"興"
最嚴重係腫到上下齶俾舊肉頂住左合唔埋
食唔到野, 一合埋個口就好痛
仲要發燒......超級嚴重
呢種情況仲要唔止一次,因為出智慧牙係分開幾次出

就經驗而言, 而下方法應該可以減輕你ge痛楚同令舊牙肉細d:
一) 用溫水開鹽水漱口, 因為鹽可以消腫消炎
二) 不斷飲微冷ge水降低牙肉ge溫度, 最好用o個d有"奶咀樽口"ge水樽黎飲,咁你飲o個陣可以"Jik"個水樽噴d水落牙肉個位度,會舒服d咖
三) ***食熱粥, 落多d鹽←呢個方法最好最有效!

回答你ge問題:
1. 理論上係, 但實際上有case係唔洗, 好似我咁, 我亦都識得其他人同我一樣唔夠位出但係出出下又冇事

2. 你細佬好搞笑, 我估你未咬爛舊肉都痛死左先。

我完全體會過你ge情況,希望以上方法幫到你啦

蜂膠可止痛抗炎殺菌... 另速睇牙醫

根據本人兩次拔智慧牙的經驗，你係唔夠位生，令到牙肉發炎(就係你腫左o固舊)

1. 其實你係必須要去牙醫到拔智慧牙，因為你牙肉發炎，只要你一日未拔隻牙，發炎的地方都會時好時壞，時痛時唔痛，(睇黎你已經冇時唔痛的機會，而係一直痛下去)。仲有，唔通你想自己搞掂咩，你點自己搞？智慧牙唔同細個時換牙，會流好多血架

2.你的根本問題唔係發炎，而係隻牙唔夠位生，令到牙肉發炎，所以治標的方法係睇牙醫拔牙，唔係去搞舊牙肉，你搞掂隻牙，無野頂住d牙肉，就自然會好番。你細路叫你用牙咬爛舊肉，簡直係........其實你已經出齊智慧牙，即係起碼係一個成年人，點解仲會信d咁笨的方法？你最好快d搞掂佢，愈拖情況只會愈壞。

提提你，等你有心理準備，拔智慧牙一d都唔痛，但你的荷包一定好好痛，因為一隻盛惠$1200(屋村醫生應該平d)，假如要做手術仲唔止。講真我之前都好赤，$1200!!!但冇計，我信唔過大陸d牙醫，費事佢地搞到一鑊泡，要返香港執手尾，唯有睇貴醫。

算吧，人生中總有些錢是免不了要洗的！人人如是！(那時候有人這樣安慰我)

1.我想問係唔係一定要去牙醫度拆左隻大牙??
是
2.有無其他唔洗錢ge方法可以唔要舊肉??
沒有，　除非生出智慧齒時不覺得痛
1. 如果智慧齒完全埋在頜骨內，沒有任何徵狀，便不需要處理。

2. 如有以下情況，便要考慮將『阻生智慧齒』拔除：
智慧齒出現問題：
覆蓋智慧齒周圍的牙齦經常發炎，引致復發性『智慧齒冠周炎』
曾患嚴重性『智慧齒冠周炎』
智慧齒嚴重蛀壞、有牙周病、牙髓炎或牙根尖周圍有病徵出現
阻生智慧齒引致鄰牙的牙根萎縮
包裹著智慧齒的牙囊腫脹，會有可能破壞頜骨組織。如發現有這些徵狀，必須將腫囊及阻生智慧齒一併除去

接受以下治療之前
接受牙齒矯正治療前，拔除在不正常位置生長的智慧齒
放射性治療
頜骨修復手術