社交恐懼症可以向咩組織／機構求助??

要判斷你是否有社交焦慮/恐懼，那麼除了presentation外，其他的社交場合是否會有這類反應? 如普通同人食飯、或甚至在街買野、叫野食等場合，會唔會一要有社交接觸，你便會出現驚到不得了的焦慮反應? 同埋你覺得你的日常生活，會否已開始出現干擾? 如這些東西的困擾嚴重，也許真的患了社交焦慮也未定。

所以，我覺得你要找一些就近你的專家，即係學校社工求助，其實社交焦慮有得醫，不過我覺得見臨床心理學家會比較好，其實如果真係社交焦慮，係一個惡性循環，因為你驚，你就會逃避，但係你越避只會越驚，於是越來越難去解決這種焦慮，所以如果你真係有呢個情況的話，你要學習一些方法去以認知改變你的焦慮情緒，所以這個病是很視乎你有幾付出去幫助自己，不過你一定要有一些方法才可以，很難單靠自己克服。

要你找學校社工的原因，因為社工會有很多有關的資源，學生一定冇辦法比得起咁貴睇心理輔導，但社工所屬的志願機構會有這些資源，同埋有一間醫院︰伊利沙伯醫院內，有一個青少年醫療中心，主要服務13-19歲的有特別情緒問題的青少年，裡面都有臨床心理學家，但都係要學校社工幫你做一些評估先。

所以唔好死，這個病(雖然未肯定)唔係絕症，相信只要你開口，一定會有人幫到你!!!

努力努力!!

香港對呢方面資源都幾缺乏，我諗你都聽過d政客講，政府後知後覺。
反過來，志願團體其實算係有，一般就放入青少年服務度，由社工解決。一般社工都有呢類知識同經驗，其實信得過既，如果你肯煩佢，通常都可以幫到你。至怕係佢地當你無事，無時間俾你。
我個人認為，你問題都不太大，有問題既係香港本身兢爭大，一般人對身邊既人，諗起既第一件事唔係幫你，係要贏你。
所以，你大部分既同學，朋友，好既就係想叻過你之後幫下你，想要果種高高在上既感覺。壞既，就叻過你之後睇住你死，幸災樂禍。
你需要既係有良心既朋友，而且唔係一個，係要有好多。

咁好既朋友通常邊度搵到呢？我個人經驗係，義工組織。

我有好幾個朋友都好似你咁，後來都係義工組織搵到快樂，改變人生。
希望你都可以搵工自信、人生意義同快樂！