Emperor Regency Int'l Ltd. (Emperor Club)是不是騙人的公司？

Emperor Regency 真係一間做旅遊會藉的公司，我自2000年起已經係佢既會員，
雖然我都聽到唔少既負面消息，參加既時候都好似你咁，驚比人呃，
但諗深一層，錢都比左，咁點解唔試下用佢既服務呀??
如果真係唔得先再同佢地算帳，最後佢都比到我想去既地方玩~~~
其實呃唔呃人好睇你自己點睇，我而家去旅行真係平左好多，
但只不過係要我先比一筆錢出黎，所以你先會覺得比人呃。
但當你真係用既時候我相信你都會覺得當年既決定係冇錯。
我咁多年以來都只係用過一次，係2004年我同我太太去渡蜜月~
可能你會覺得好唔抵，但我可以話比你知，
我覺得一次已經真係抵番晒，我冇諗過我可以住d member only既酒店，
而且安排都好好，係呢次我真係感受到呢個會藉既好處。
不過我而家個小朋友剛剛一歲，我諗我都要等到佢大個d先會去番多d~~~
希望我既經驗可能幫到你啦

位於銅鑼灣的 #Emperor Regency International Limited #Emperor Club 絕對是騙人公司!!!! 不知道這間公司現時還存在否!! 這是數年前親身的經歷!

1) 本人曾經收到電話, 有禮卷拿, 以為"有著數", 這是理用我們的貪小便宜心理!
2) 電話中小姐會提你有個簡短講座, 事實上是超過3小時!
3) 到步後, 會安排你到一個大房間, 能放10張小枱左右, 會刻意播放輕鬆但超大聲音樂, 隨後每張枱有至少兩位職員會走到你張枱, 開始極力游說!! 一個坐你對面, 一個跟你同一分享, 目的只有一個, 令你保護性減低!!
4) 如果你堅持不簽約, 他們會試圖分開你或友人或女友或老婆, 因為女性較容易心軟! 男人又較愛面子! 最後他們會說你的女友也有意思去, 你就當送她一份禮物吧!
5) 如果你仍然堅持不簽呢........

就如以上苦主一樣!!!
6) 上面那個會員, 說什麼已享有很好服務, 絕對相信是該公司打手或職員!

作為一個對自己對身邊人負責任的人, 請停止愚笨的思想!! 作個精明消費者, 只要制止自己以上的第1點, 往後的事情都不會發生!

最後, 我感恩我是以上講座僥幸逃出來的幸存者!

本人於2007年1月10日於銅鑼灣的”X Regency International Ltd” 購買了價值HKD 99,000.00 的旅遊會藉 ,經過5小時的地獄式洗耳, 本人提供了HKD30,000.00.
但第2天打電話查詢, 就已經給電話接待員及客戶服務員一肚氣及cut線的對待.
仲有就係公司有2個會, 之前係沒有講過, 比左錢問先知, 對呢間公司十分不滿.
之後就同佢地既客戶服務員講我冇錢要求終止合約, 佢地就同我講其實仲有其他plan, 用5萬多的價錢就可以, 之前都冇講, 我就更加勞氣.
最後, 回覆合約不能終止.
過份, 無理, 不合手法……大家唔好受騙!!

讀者呂小姐於去年十二月接獲位於銅鑼灣的Emperor Regency International Ltd旅遊會籍公司職員來電說：「只要參加講座，便獲得50元超級市場禮券」。出於好奇，她在12月14日晚7時到該公司，與共十多人參加講座。講座完後，職員帶她到另一房間，作單對單的推銷：「這個計劃好着數，每月供款500元，供滿58500元去外國就可以有度假屋用。」
　不過，當呂小姐表明沒有興趣參加後，即有多兩名職員「你一句我一句」加入游說，並要她先交出身份證和信用卡做登記，以便查核合乎資格否。「當時已經晚上十一時，趕着返屋企，心軟之下，把身份證和提款卡給他們，心想反正我無錢，又無信用卡，應該不合資格。」
　殊不知，她等了很久，要求取回身份證時，職員卻藉口多多不肯交還。之後有一名職員游說她先繳付1000元按金，並在「協議書」上簽署，回家考慮清楚，可回來辦理取消手續，呂小姐信以為真下於是簽字，以求離開。但當翌日，她致電要求取消，對方卻反口，指她必須履行合約，否則要負上法律責任。
　消費者委員會發言人黃小姐提醒市民，如對計劃沒有興趣，應立即離開，若被強留，可嚴正警告職員不能剝奪人身自由，否則報警；切勿草率簽約，以為放棄訂金可一了百了，合約具法律約束力，對方可以追討餘額。
　法律界人士黃國桐表示，呂小姐聲稱身份證及提款卡被強留，由於對方未有利用有關證件作其他用途，故不含刑事成分。但呂小姐若認為自己被對方車輪游說和誤導，是因對方之壓迫手法而簽訂合約，則可向小額錢債審裁處申訴，以非自由心意為由，要求解除合約。
　Emperor Regency International Ltd顧客服務部羅先生回應，指呂小姐曾以經濟理由要求退會，但希望她明白合約簽署後，雙方都不能取消。但在可能情況下，會就個別情況，作出適當協調，羅先生表示只要呂小姐能提交財政困難之文件，公司會有正式決定方法，但至今多次仍未能聯絡上呂小姐。