請問去海泉灣香港有直車上去嗎?

香港唔知有冇直通車去喎，不過大陸d關口都有海泉灣o既穿梭巴士o既，不過需時都幾耐架，我由海泉灣去拱北都要成個鐘，如果深圳果d可能要仲耐
老實講果度好多食肆，不過就真係冇咩特別野食，你可以去「面館」食，d野係普通d，不過勝在抵食架味道唔錯，如果你唔想食面你可以去天皇星酒店下面果間「四海軒」雖然係食普通中菜，不過味道都ok，入面其餘食肆就真係麻麻地，普遍都好多味精，你到時可以自己試試啦
至於玩，溫泉就梗要浸啦，佢個溫泉就真係好大，室外同室內都一定要試要睇，個「親親魚池」同「死海池」都係可以一試o既溫泉，其他就因應個人喜好啦。佢果度果個show都值得一睇o既，個show叫「海邊的夢」係一個百老匯式o既大型歌舞劇，都唔錯架，不過如果你睇就記住要買最平果隻飛，並唔係話慳錢，而係最平o既飛其實係最正o既，角度最好同可以睇得最多野，而且佢個場唔係好多，d位o既距離其實唔遠，不過貴飛係d椅會轉圈，不過以睇show計就唔係咁正囉
大致上全咁多，因為我上次都係住左一晚，唔係咁夠時間，你可以用下佢其他設施咁啦，個室內泳池都ok o既，果度放假relex都真係幾好，四圍都好靚，一d都唔似o係大陸，順帶一提如果你去記住要雙人床o既雙人房呀，個廁所大d架，可以拉開個屏風一路浸浴缸一路睇電視個環境好舒服，如果你個房個view正，不妨洗百零蚊叫個room service早餐o係房個露台食，個feel好好，我都會去多次，祝你旅途愉快