有關化學鍵

唔...
第一, 金屬可以走一兩粒電子or加五六粒電子 to form 離子. 原子核(質子)同電子間有吸引力, 將電子扯坎當然要能量; 但係電子同電子間都有repulsion, 夾硬將一堆電子塞落一粒原子度(加左一粒電子之後, 成粒野已經帶負電, 重要加四五粒電子......), 則須要更更更多的能量. 一個反應要放熱(能量)先可取......
同樣道理, 將一粒電子放入原子中(放熱)或將七粒電子夾硬扯出黎, 邊個用多d能量?
第二:
有金屬鍵(分享電子海)已令原子夠穩定.
第三:
不. 合金也可(混合物), 只是原子的排列會有不平均現象, 可能令電阻提升. eg, 鐵+銅, 鈉+汞(水銀)
第四: 金屬原子將最外層電子送出並可隨意流動, 可視為"變成了一個以電子構成的大海, 中間浮沈住金屬離子(電子已送出!)", 離子對電子海有吸引力, 間接使金屬離子pack埋一齊.

2006-10-25 00:21:13 補充：
ageischan 君的求學態度實在值得表揚! 請鼓掌!!

好
首先解釋左你第一個問題，就係為什麼金屬通常要失去最外層電子時，就要變正電荷，為什麼不是負電荷？
咁係因為一個分子包括有中子，質子同電子，咁中子係唔帶任何電荷既，而質子係帶正砲荷既，電子就帶有負電荷．ｏ係平常情況下，質子同電子既數目應該會係一樣既，但當失去左一粒電子既時候，質子數量比電子多，所以會帶有正電荷；反番過黎，非金屬獲得電子，令到電子數量比質子多，所以會帶負電荷．

第二個問題，金屬和其他金屬為什麼不能形成化學鍵？
金屬本身之間就有金屬鍵啦，已經穩定，所以唔再需要其他鍵去提高佢既穩定性

第三個問題，金屬鍵是不是只發生同一金屬中？
係，只會發生ｏ係同一種金屬之間

第四個問題，金屬鍵的形成
金屬分子為左得到貴氣體的電子排佈，佢地會同周圍既建立金屬鍵，而金屬鍵會將最外層電子包圍自己，成為流通電子，令到金屬ｏ係任何一個狀態下都可以導電


以上都係我個人既小小知識，應該冇錯，如果有錯，請發現者立即糾正，以免誤導他人，同時幫我加深了解，未知可唔可以解答到你既問題呢，如果仲有唔問，可以再問，希望我可以再解答到你既問題啦