✔ 最佳答案
冇錯,脫過骹,該部位就好容再脫骹,再脫多幾次,就會變成慣性脫骹(次數因人而異)。
咁係因為,當你每一次脫骹時,都會因外力作用,使你的關節脫離正常的位置,而身體的關節平時係以韌帶黎固定的,韌帶係一種有韌性,但缺乏彈性的”固定繩”,其作用就係防止關節移位,而脫骹時,都會將韌帶拉傷(通常都伴隨韌帶撕裂,但程度因人因事而異),之後,由於韌帶缺乏彈性,無法恢復(收縮)到受傷前的長度(受傷後韌帶都會被拉長),自始,該關節的穏固度就會下降,再傷同一部位時就會容易再脫骹,再多幾次就會變成慣性脫骹,我見過有人因為慣性脫骹,骹脫得多,自己都識接返好,因為韌帶鬆左,該關節易鬆易接,不過咁樣好唔方便,同埋該關節唔可以再做一些有強度的活動。
建議你去睇物理治療,在物理治療師的治療下,多作加強與該關節有關的肌力訓練,咁可以幫助收緊受傷的韌帶,同埋該部分的肌肉變強,當該部位在再受到外力作用時,強化的肌力可以吸收(對抗)外力的作,不過在每一次強化肌肉之後,不要忘記做伸展運動(柔軟操之頪)因為肌肉強化,會使肌肉的伸展度下降,這樣在運動時會比柔軟度好的人容易受傷,而且做一些伸展運動同柔軟操,可加強關節同韌帶的柔韌性,對防止慣性脫骹很有幫助。