雪藏魚問題

三文魚扒 : 用黎煎最好, 加黑椒同淮鹽
龍利魚柳: 食法最多, 用薑蔥蒸完加豉油熟油 or 樸生粉煎 or 切成魚柳用粉炸.
沙孟魚柳: 多數都係用黎煎, 可以加椒鹽, 或用豉汁和芹菜煮
鱈鯛魚柳: 是否=鱈魚, 可蒸或煎, 煎完加 xo醬
金獅魚柳: 我會用黎炒
比目魚扒: 食法跟鱈魚差不多.

Omega3含量最高應該係三文魚, 跟住係鱈魚

三文魚扒和比目魚扒應該吉之島新鮮d, 其他在吉之島和大昌都有, 但街市凍肉舖可能會平d.

仲有一仲叫左口魚, 在大昌有得買, 用黎煎都好好味.

我個人最喜好都係三文魚扒 ，因為佢夠肥美，Omega3含量又高，又唔一定要煮熟先至食得，求其煎到半生熟都OK，加啲酸酸甜甜嘅薄荷葉汁嚟食......嘩！正到不得了。
其他仲有鱈鯛魚柳，佢亦都夠肥美，Omega3含量都幾高，不過魚肉就淡口咗啲，唔夠三文魚貝類咁有味，佢嘅整法都係煎至最好食，蘸啲燒汁或紅酒汁都幾正 架。
其餘咪比目魚扒、金獅魚柳、沙孟魚柳跟尾咪龍利魚柳囉。

逢係魚更係要肉質有彈性，色澤夠鮮明就為之靚嘢。
試吓去凍肉舖，有啲凍肉舖會有魚扒之類嘅嘢賣，一係就去大昌，一係就去賣急凍海產舖，再唔係就睇黃頁又或者打去電話公司問吓就揾到 架嘞。



希望可以解答到您嘅問題啦。Thanks.