台灣讀完大學之後返到香港既出路大唔大呀?

睇下你係為學習定係為前途, 如果你真係想學野既話, IVE真係唔岩你, 我F7之後入IVE讀左個HD, 而家望返個兩年, 真係好似真空左, 雖然唔可以話係完全無學到野, 不過我既感覺係白費左兩年時年, 我個兩年IVE真係同人爭走堂, 考試前一日先會叫做溫書, 仲要望住本書覺得自己自修緊一D自己唔識既野

但係你話IVE係唔係真係差得咁緊要? 我又會答你唔係, 我地班入面都有一D 讀書既人, 讀完HD之後可以入到香港既大學, 如果你有心既, 可考慮IVE作為踏腳石黎用, 我地班三十幾人, 有十幾個可以入到大學, 我諗有好多都係唔報大學所以入唔到, 報左大學入唔到既真係唔係想讀書既

你話入左IVE兩年拎左個HD但係乜都唔識係唔係無用? 我都會答你唔係, 我畢業之後出黎搵工, 但係都叫做係專業(我讀computing), 搵工上真係易好多, 好多細公司唔會讀大學畢業, 因為覺得佢地人工貴, 同埋U學既係理論居多, 所以佢地會覺得請個IVE學生仲實際, 我讀完出黎對programming只不過係識D皮毛, 一樣可以搵到份programmer黎做, 相反如果你得中七我敢肯定你搵唔到, 除非你有幾年工作經驗, 但係係工作度做唔做到野, 就真係睇你學習能力, 我一邊做一邊學, 完全無問題, 而家做programmer都仲做得幾好, 不過HD俾起degree畢業當然仲差少少既


相反你過左台灣, 俾你讀完個學位, 如果唔係專業既, 返到黎一定無大公司認同你, 細公司又唔知請你黎做乜, 所以出路未必咁好, 但係如果你將台灣視為踏腳石, 諗住係台灣讀完大學, 再去外國進修多個學位或master, 咁就好好多

你而家講緊既係出路, 所以我都係俾返讀完書出社會工作既實況你知, 至於你話為興趣為理想, 我當然唔建議你留係IVE, 我其實都幾後悔係IVE白過兩年, 仲要讀既科係為左容易搵工, 唔係自己興趣, 我當初都同你一樣諗過去台灣讀書, 不過現實同理想有時又幾相沖既

最後我都祝你前程似錦

我的答案同上面兩位都差不多, 基本上香港不承認台灣的大學學位, 除非你選讀一些香港的大學沒有提供的科目, 在台灣或其他地方考取專業資格, 再憑專業資格回香港找工。又或者你畢業後一直在海外發展, 到事業達到一個境界時才回香港。

例如上面的朋友提到的獸醫是一個好例子, 另外台灣都有圖書館管理學是香港大學沒有提供的科目, 但是香港的圖書館數目不多, 可以最終都會跟考古學的例子一樣, 做一個文員。但是其實讀書是講興趣的, 最緊要有興趣才有恆心堅持下去。

希望你早日搞通思想!

睇下你讀邊科

我以前有個朋友係台灣讀獸醫返黎 (因香港冇得讀)
在那邊做2年後, 返到香港在私家獸醫診所做, 人工同醫人差不多, 工時又少d
相信你在ive都係讀d普通野, 出來唔係clerk唔係sales, 有錢可以繼續讀.
但真有機會的話, 即使在台灣讀完ive level的文憑, 返來一定好過香港ive的.

2006-11-01 18:21:03 補充：
白費左兩年! 有同感!