男朋友生日.. 點樣過好呀?(最好男仔答牙.. )請幫幫忙

有冇諗過 ....一齊攞假去旅行呀 ?(如果您番緊工的話...)
11月唔係旺季 ...報個平平地既團去台灣/泰國/上海 兩個人都3千零4千姐...您買個銀包都係到啦...但係去旅行可以一齊玩丫嘛~!!!咁咪可以當同佢慶祝囉....又可以過幾日既2人世界~~

我係男仔
我覺得女朋友送咩都冇問題
只要用心佢就會開心
加上你們都一起左咁多年
送咩都得啦
留d$$結婚吧



祝你們白頭偕老

其實送生日禮物，係唔在意個價錢o既。
我係男仔，如果俾著我，我都希望女友會送d DIY o既o野俾我。
既然你幾乎都送過哂，你男友真係好幸福啦！
講返正題先，我諗從男仔o既角度，送禮物係要實際，唔要太花巧o既。
可能佢唔會鍾意你送d貴o野比佢，因為咁會覺得係浪費金錢，除非佢鍾意名牌或貴o野啦。
不過，送o野俾男仔，特別係男友，都可以從幾方面去選擇o既。
以下係一d例子，因為唔知你男友本身鍾意乜，亦唔知佢幾大，所以咩都會講下，你可以參考下。（見你都預$3000以下買個銀包，預算應該都大）

一：數碼產品。例如DC、手機、PSP、NDSL、Hi-Fi、MP3機等等
二：衣服同accessory方面。哩個可以好多例子，可以係外套、褲、鞋、銀包同袋，甚至係貼身o既衣物。
三：玩具。唔好以為送玩具好低能，有時候d大人都好鍾意砌模型同機械人等等，不過唔知你男友有冇哩d興趣，所以哩個只係作為參考。
四：送d你男友有興趣o既o野。你男友本身有冇儲開d乜？有o既話送一d佢冇但又好難搵到o既珍藏品囉。

好老實講，生日唔一定要送咩禮物，你可能用o個三千蚊去做一d事仲開心啦。
例如，你刻意同佢去租間屋過一兩晚二人世界，一齊煮飯（或者只係你煮），都可以好開心o架。
又或者將o個三千蚊去d平o既短線旅行，有個難忘o既回憶都唔錯呀。

唔知以上所講o既，可唔可以幫到你呢？

你話你好多 DIY 既野都整過 ,咁月曆你整過未...? 我之前整過一個俾我男朋友 ,佢收到之後好感動 ....成個都係自己整手整 ,仲有埋節日個D ,提佢要買野俾我 ^^唔買野都要佢記得呀 !不過真係要好有心思先得 .... 你自問有冇心整...?