上水電腦鋪一問

你係想買咩先
普通電腦用品or散買一兩件硬件
腦世紀都冇咩問題
有時我都o係果道買
如果係成部機,都係深水埗好
深水埗既話,我choose comdex

o係龍豐,仲有間電腦鋪,
可以格吓價先
有時一d腦世紀平,有時另一間

上水中心都仲有一兩間,o係外圍既
都係格吓價先la

2006-10-30 20:05:04 補充：
你想買ram首先要知道係 sd ddr 定 ddr2如果le個都唔知見意你成部電腦拎去叫佢幫你裝應該唔收額外

我覺得如果你係新手，又住上水或附近，都係去番上水買機會好d，萬一部機出左事，你或朋友都唔識整，抬部機出去都唔洗山長水遠去到深水埗，有時壞機要整未必即時整得好，來來回回幾次都成舊水，仲有試機都可以試耐 d ，係上水既電腦鋪都算叫做街坊生意，服務態度應該會比深水埗既「唔憂做」既好，除非你係以價錢為首要，上水既一定貴幾百至一千(看組合價錢多少、一萬蚊幾千賺你一千好正常)，當係售後服務費都唔算太過份。

怕唔怕比人搵笨，睇你對電腦知識有幾多，會唔會貨不對版，最多出術既地方係平價零件充貴價零件，例如你要(或者係佢提供) 某大牌子的顯示卡、記憶體、主機板、火牛 etc，但出機時換左 d 雜麥大陸貨或次一級既比你，賺左你差價，但電腦功能一樣，你一時未必會留意，另外就係二手維修貨，比較難睇得出，除非佢連掃塵都懶，風扇位最易發現，不過就真係要帶埋有經驗朋友去驗屍咁驗﹏﹏

買前最好問多 d ，有時未必係人地想呃你，而係自己誤會，好似有內置3D顯示卡，以為係插卡式的，又或者記憶體好似少左(本來512MB，XP 顯示得番四百幾)，其實係內置顯示卡取用了64MB或更多........

最後你都係怕的話，買廠機就最穩陣，又有上門保養，XP又係正版，D 料又唔差(我朋友用左三四都未壞過parts)

腦世紀評價係點，因人而異，實有人讚佢好或話佢差，開咁耐都有人幫襯，我估差極都有個譜，如果唔係一早就執左啦 ~ 你最好多d去睇下野問下野，同裡面d人吹下水，或者你就會知道自己應唔應該係佢度買機啦 ~