如果我想請爸爸去中國長線旅遊~應去那兒好呢?昆明/九寨溝/張家界

如果在下係想火車旅行既話，3個地方路程比較，當然係湖南既張家界近好多，佢只係係廣東省西北面，而且坐火車到張家界就只要15個小時。
如果要到四川既九寨溝坐火車就要先坐到成都，依度已經35個小時，再由成都坐大概10個小時大巴到九寨溝。
而昆明就相對比去四川既路程短少少，但係都要25個小時。
如果坐飛機既話，都係一樣。張家界最平，第2係雲南，最後就係四川。如果係帶爸爸去，而又係自由行唔跟團既話，就唔好去九寨溝。因為路線有點複雜，唔夠經驗既經朋友，我建議唔好去九寨(雖然果度山水都靚^^~)張家界比教合適作為短線既旅遊地點，佢周邊仲有湖南省會長沙，仲有依架ok出名既鳳凰。所以如果你簡長漿既，可以考慮下到雲南，雲南同四川有個好處就係景點多，但係氣候比四川好，冇咁惡劣。仲有就係雲南景點與景點之間既距離相對近好多。
雲南昆明係人都知係一個四季如春既城市，市內環境乾淨，你可以帶爸爸去市中心既青年路既米線城食正宗既<<雲南過橋米線>>，佢旁邊就係中學時讀書既((圓通山﹑圓通寺))
之後既行程可以選擇返大眾化路線[昆明-->大理-->麗江-->(如果時間再充裕既話去埋香格里拉)]，去到大理睇下大理古城，感受下白族既風土人情，再去崇聖寺睇三塔，去臨近古城既蒼山同埋灄海。
到佐麗江可以到麗江古城睇睇依個咁有名既世界文化遺產，再感受納西族既熱情同文化，可住係古城入邊，都係$25-$30/人/晚。入邊好多土銀，手工藝品﹑尼泊爾香，你行幾日先行晒。你更可以坐車到35公里外既玉龍雪山，坐纜車上去海拔4760m既觀景台。
總價錢都係$3000左右啦。
如果去四川既話就要$4500左右啦
而到張家界就係$2500左右啦

其實個人認為九寨溝和張家界最值得去，因為是國家一級景點。九寨溝主要看水，不過九寨溝越來越出名，所以團費幾貴，且十一月起會幾凍。雖然遠，但是值得，去過的人都話值。
張家界主要看山，男人通常鐘意（行）山，（可挑戰自我也），也上連江主席也讚江山如此多驕，相對九寨溝較近　（張家界在湖南，九寨溝在四川）和價錢可在你預算之內。不過，好似一年前因暴雨有山泥傾瀉，登山cable car停行，不知現在山水車恢愎沒有？可直接問旅行社，幫襯中旅祝好，因為是國家級企業，網絡夠大。

我個人只去過昆明，那裏天氣清涼(但陽光猛)，有如香港秋天，景色也不錯，只是不太適宜購物，雖然海拔約1000-2000米，但是極少會有可能造成影響。但一般都無旅行團只去昆明。
九寨溝雖然美麗，但是地方偏僻，搭車時間會有d問題。
以上只係小弟淺見。