我覺得越來越多衰人...

其實,你因此而唔開心係正常o架,並唔係有抑鬱症...老實講,我都見過類似嘅事件,就算係我,我都會覺得好唔開心...點解而家d人唔可以好似以前咁有番d基本嘅禮儀?其實,一個人有冇禮貌係可以由佢哋嘅言行舉止度睇得出...而禮儀係要由自細就開始教起...(又即係話,錯就錯在於佢哋嘅父母冇好好咁管教佢哋... --)

現今社會,有好多人都唔係幾識得去管教子女,因此先會有d咁嘅事發生喺社會上...當然,教師亦都有責任去管教學生嘅禮儀...試問下,如果一個學生喺名校讀書,卻連基本嘅禮儀都冇嘅話,咁呢位學生仲算係名校嘅學生嗎?就算讀書好好,咁又點?到最後咪又係一個冇禮貌嘅人...唔好話以前,就連而家搵工做都要睇下自己係咪一個有禮貌嘅人...

記得今日,我好早就要出門返學...搭升降機嗰陣,竟然有個細路仔係咁踢我隻腳...我當時火都嚟埋,心諗:點解d細路仔越嚟越冇禮貌??佢d屋企人都已經叫佢唔好再踢兼且阻止佢o架啦,但佢竟然唔肯停,結果由入去升降機直到由升降機出嚟嗰陣都係咁俾嗰個細路仔踢自己隻腳... -- (都唔知俾佢踢咗幾多下...) 如果佢唔係細路仔嘅話,我真係想打佢一身... --

老實講,你睇得出呢件事,證明你都係想擁有一個和諧嘅社會...你並唔需要為此而擔心,最重要係做好自己...

睇事物要睇((((((((( 開 )))))))) D ! 唔好見到D唔好嘢及唔開心的事都記在心裹! 人生流流長! 仲有大把有用的嘢要記! 無謂嘢就抹咗佢忘記佢啦!


這些事是沒有答案的! 只在乎你的睇法!

Be Happy Everyday! ^___________^

唔係...只不過係你自己過份憂慮姐

你唔好怪自己,事實上,新一代的父母唔識得教兒女,只會溺愛,過度保護,所以新一代很自我,佢地大左之後都好難有快樂,我有一個朋友,佢係個媽咪,有抑鬱病,因此想什麼都好負面,結果是非曲直都弄得很顛倒,兩個子女結果成長期間出現很多波折,很不開心,

要下一代好,上一代的人要言教身教並重,否則這個年代的人一但做了父母,情況會更差,

覺得好唔開心係好正常嘅,我都係咁,不過要接受自己有不快情緒,並且理性分析事件,

好好休息,勿把不快的心情留係心入面哪,,,

你能夠明白,觀察到佢地嘅問題,表示你有一定嘅素質,應該感到自豪,係唔係呀?

haha