守龍門or後衛問題

首先唔清楚閣下的身高，以及是踢11人足球還是7人小型足球；無論如果，以小弟個人踢波經驗分享一下！
首先要睇睇身高：若閣下擁有175cm以上最高，在香港已經不錯，當然世界級門將有部份都有185cm以上；而小弟個只不高，只有168cm，十多年前因踢波弄傷到膝部，但仍然十分鍾意踢波，所以轉打守門員，由於踢7人小型球為主，都冇咩問題，但若踢11人足球，就算彈跳力不俗，都會打得相當辛苦！
至於守門員技巧：可分為8部份：
1)學封位：通常應付禁區外勁射時，先要唔好怕波，練習可行出小禁區外，甚致約12碼附近位置，練習封窄對手射門角度！練習用雙手接實、單手托出底線、或手槌打出禁區外，意大利門將保方同捷克門將施治都好勁！
2)應付笠射：先企在小禁區頂或更出一點的位置，請隊友離門較遠位置射兩邊以及中間較上位置，若隊友腳下功夫未到水平，則可在禁區頂用手拋波！還有多練彈跳力，可以做gym，做多小小加強小腿以及大腿力量的訓練！
3)飛撲：企在龍門白界線，搵隊友响12碼點用手拋波到龍門兩邊，嘗試飛身救波，至於接實、單手托、定手槌，就要自己即時判斷，最緊要唔好怕跌，另要學落地後『打筋斗』，可以減少受傷機會！
4)單對單出迎：單對單，即面對單刀波，要夠果斷同大膽，可搵隊友由禁區外，約離門25碼帶波殺入禁區，之後選擇直接射、或扭過守門員嘗，而守門員嘗試在對手殺入禁區時衝前封位，身體重心要坐低，兩手將開，隨時兩邊飛撲，有機會可參考德國門將簡尼。
5)出迎接高波或接中波：多打籃球，一定有幫助，接波手感都會好啲！亦可叫隊友响兩邊傳中，多練習！另外，多練短途加速跑，提高兩邊移動以及出迎嘅速度！
6)開龍門球：開生波最緊要夠定，用手拋嘅話，打籃球long pass方式練多啲；用腳開嘅話，練drop kick(當個波落地彈起一刻踢)最好，但難度高，或者橫身踢，阿根廷門將艾邦丹斯利就係橫身開生波，而且開得幾準！而開死球(即龍球)，要多練腳力，最好過到半場！
7)同隊友配合：最基本係接波時要大叫『有』，互相建立暗號！另外，因為守門員係最後一名防守球員，會睇得比較通，見到有敵方球員冇人mark時，學習提示隊友防守。
8)買對舒適，合手型嘅龍門手套，龍門衫褲都係次要，比賽時要集中精神，多睇比賽，向外國守門員學習！
參考資料:
喜歡足球的人