請問邊度學車(輕型Van)最好?~

我就真係香港駕駛學院出黎既,一take過考到(我係漸進式既,即係中期泊位掉頭同路試分開).初初見個價錢又有promotion同分期以為好平,但係加埋加埋都萬幾蚊,都唔係好化算. 再者,我報嗰個係由頭到尾都係同一個阿sir跟(當然又要加錢),但係個阿sir成日都fully booked,結果我由5月報到9月至畢業!! 所以唔急考牌既話都冇問題o既..... 同埋講真,佢地都好有禮貌同客氣,因為你有合理依據可以complain什至要求換過個阿sir!!
另外都有friend考李健同出面其他學校,當然,學費平d但係考咗2次都唔得,但係都有一take過,睇你好唔好彩撞正個有心機既阿sir定咩喇.有d教車阿sir既態度又惡. 同埋出面d交通比較混亂,但係考到既話第時出街就一定冇有怕!
所以係有d行課但係真係要睇你邊方面著重d, 如果價錢問題,就幫襯出面d師傅啦,如果想舒服d既,就香港駕駛學院啦.
(希望以上資料幫到你 ^^)

我有幾個朋友都在出面跟師父, 全部都起碼考兩次, 佢地既評語係阿sir 唔教晒你, 等你肥先話你知要改既地方, 同埋補多d鐘, 咁佢先揾到錢, d朋友都用超過一萬銀
亦有朋友在李健, 肥左, 第二次去駕駛學院, 即pass, 佢話駕駛學院係d易pass
我自己(係女仔)就係駕駛學院出來, 4年前, 考貨van, 連補鐘4堂, 共用左8900, 一take 過pass, 我就覺得駕駛學院係真係d易pass, 因為我自己在考既時候係犯左3次錯既(仲以為肥緊), 首先一出車就打錯燈, 轉右就打左燈, 轉完彎先發現自己打錯就唉呀叫左一聲打翻右燈, 點知個個位要轉左,咁緊張到都唔知點,就無打燈啦, 一直出到門口, 轉彎之後有支燈, 咁當時係綠燈.....但係我居然停架車响燈口度, 過左一兩秒先開走, 心諗...今次死硬!!!!咁就是但行完個路程算啦, 行到翻學院前一支燈, 轉黃燈, 咁我就停啦, 點知前轆都責住左燈位條綫......唉, 當時簡直想死...........
但係結果係我竟然pass, 所以我絕對相信駕駛學院係特別容易pass!!!
不過, 羅牌容易, 但係如果真係要响條路渣車, 考到個牌絕對唔够羅, 在駕駛學院學車, 最大問題就係駕駛經驗一定不足, 因為佢係純粹為左幫你合格, 而唔係教你渣車.
所以如果想合格就去駕駛學院, 真係想學渣車就出面師父

通常駕駛學院合格機會較大, 教得足嘢, 雖然較貴

如果喺出面學, 就最好自己識得好師傅或有人介紹給你才好
如果無, 要有好師傳就要靠運氣.

喺邊度學完考到牌都要自己再train才能駕得熟．