縫紉梭織布/ 針織布?

1) 梭織比較易散口, 針織就算唔鈒骨都唔會點散既
你試下剪一塊恤衫布同一塊t-shirt布就知分別啦

2) 唔一定, 要睇咩質地, 厚度, 織法, 唔能夠一概而論 (e.g. 棉既針織/梭織比polyester既針織 or 梭織冇咁焗身)

3) 2種布都可以係 100% cotton, 針/梭織係布既織法, cotton係布料既成分, 2樣野係唔同既

4) 2種布都有平有貴, 而且用邊隻布係要睇你車乜野, 冇話邊隻受歡迎d
你有冇見過用梭織造既 t-shirt?有冇見過用針織造既恤衫?

有關2隻布既分別, 你可以睇下哩度 (不過係英文的)
(針織=knit fabric, 梭織=woven fabric)
http://www.fabriclink.com/Dictionaries/Textile.cfm#top

其實你應該睇埋其他關於布料既野, 哩個網解釋得好清楚

首先你要識乜嘢係針織布，乜嘢係梭織布，針織布嘅織法係類似織冷衫嘅方法去織布，紗綫之間有空間，所以布嘅伸縮性強一D，而梭織布係將紗綫縱橫排列而織成，即如古時嘅織布機，先排列縱綫，再以一梭在縱綫之間來回穿梭排上橫綫，所以稱為梭織，由於梭織布嘅紗綫之間較少空間，除非用上含丈根的紗，否則伸縮性是比較少。
1) 散口嘅問題在針梭織布都有，基本上是因為所用的紗綫是短的就容易散口。
2) 理論上針織布伸縮性強，穿上身係會舒服D，至於焗身與否就要睇用料，因為就算係針織，尼龍料都會比梭織棉料焗身。
3) 100% cotton係指用嘅紗嘅成份，針/梭織布都可以用100% cotton嘅紗甚至其他成份嘅紗。
4) 錯，針/梭織布都有極平與極貴的，應該係以用料來比較平與貴而唔係以針/梭織來比較。

梭織布同針織布係2個唔同既布種，你問既問題有啲怪囉，我想你係唔知點分呢2種布。簡單來講，梭織布等於恤衫布，至於針織布係衛衣﹑線衫﹑tee之類。件衫焗唔焗係睇衫有幾厚同乜質地。100% cotton係布既質地，唔係布種，2種布都可以係100% cotton。

1)　梭織, 但要depend ｏｎ織法，　布種．
２）不一但，但全棉一般會較吸汗．
３）100% cotton 可以係梭織布，同時又可以是針織布．cotton只係成份，梭織／針織係指織布的不同方法　／結構．
４）唔一定架～針織布都可以好貴，耍睇下產地．