縫製上衫 (前幅與後幅)?

我哋通常稱為膊頭定形帶，加一條布嘅用意係固定條膊骨嘅尺寸，以防變形及兩邊膊頭尺寸有大細。
呢條布可以有幾種做法：
1) 用棉帶，1/4吋闊，你可以去南昌街一D賣織帶或線球嘅鋪頭買到。
2) 用朴，無膠粒嘅，同樣喺南昌街一D賣朴嘅地方可以賣到，少量嘅話可以買一幅自己裁成条，大量嘅可以揾人同你成卷切。
3) 用透明丈根，賣丈根嘅鋪頭有得買。