邊到有得貼三伏天,價錢幾多到??

大家講得都o岩
正確名稱是「天灸」：是一種源自於清朝的古老氣喘防治法，是利用氣喘好發於冬季而夏日時則症狀減輕的特性，所以在夏季三伏日天氣炎熱之時，在身上某些特定穴位施予溫熱性藥物敷貼，讓藥物直達病灶，來達到預防冬季氣喘發作的一種呼吸道過敏性疾病的防治法。

貼既時間跟返舊曆：初伏、中伏同末伏。

普通中醫(梗係資歷勁果d)都得既啦。

不過我唔知勁同不勁有咩分別，我見廣州有間好勁既醫院幫人貼天灸，係有幾萬人去幫襯，其餘中醫院又不覺有人幫襯咁？係咪勁人有好d療效呢？因為我去幫襯呢間醫院時，我見到不少浸會既實習醫生係度抄抄抄，係得個抄字，連幫襯做都唔俾.....可能太渣卦.....

我係深圳中醫院門口見廣告都有話有的貼。

其實有很多診所都有天灸, 不過今年的三伏天已經過了, 要做天灸要等到出年七月至八月. 一般來說五六百元可以做晒三次. 做天灸建議要連續做三年.

其實一般中醫都有做，揾D相熟嘅中醫問吓啦。我好幾年前响將軍澳做過，每伏100，係針對哮喘病用藥，但係效果唔係咁好！