我男友係唔係有問題呢 ? 另外, 我會唔會有左呢 ?

2006-10-23 4:49 pm

我自身食左避孕藥已經個幾月
但一直都唔係每個固定時間食藥
有時早, 有時遲, 甚至有時唔記得食
需要第二日食兩粒補上
( 我食既係 21 粒裝 )

而我早就發現我男友戴左避孕套時
會即刻無左做愛既感覺
初初以為佢疲倦, 但直到近日, 先知道用左套先會係咁

1, 點解男仔用左套就會唔舒服, 會即時冇左做愛既感覺呢 ?
2, 我唔準時食避孕藥, 會有避孕既效果嗎 ?
3, 近日我男友係我體內射左, 但之後我已經即時清潔下體。由於做愛前一日, 我唔記得左食藥, 所以做愛前以兩粒惡補, 請問我有左既機會大嗎 ?
4, 點做先可以令男友唔再抗拒戴套做愛呢 ?
5, 如果唔準時食避孕藥, 會有咩後果 ?
6, 接等 3 條, 如內射後服用事後避孕藥, 會唔會減低有左既可能呢 ? ( 但本身已服用避孕藥 )

感謝大家!!!

回答 (1)

threechk

2006-10-23 5:30 pm

✔ 最佳答案

1. 打個比喻，如果你同男友kiss咀係隔住件衫，個感覺會點？有冇分別？我相信你唔會話冇啦。用o左套個情況同你隔住件衫kiss一樣之嘛，有套個摩擦冇咁直接，係冇咁刺激，所以冇法子o架啦。

2. 唔準時食，係絕對會影響效果o既。不過又未必完全冇效果o既，視乎你幾唔定時啦，所以你最好定時食好d，再唔係搵d o野提自己記住食藥。

3. 即時清潔下體係冇用o既，因為你根本清潔唔到入面。不過睇返你第6條，如果你係廿四小時內服用事後丸，仲係定時食o既，咁應該就冇事o架啦。但個副作用都幾大，好辛苦o架。

4. 其實係睇佢有幾愛你，哩個真係冇咩辦法。例如你同佢講話唔想出事（其實你幾多歲？）如果年紀太細，出事你o地都冇能力處理啦，係咪？另外，唔用套會出事，雖然可以用事後丸解決問題，不過係有好多副作用，好辛苦。你話你唔想咁辛苦，希望佢體諒而要用套囉。

5 正如第2條咁講，唔準時食藥只係會影響藥效，但結果因人而異，好難一概而論。

6 睇返第3條

希望可以幫到你，有咩事可以透過msn 或email再問

👍 0 👎 0