唔該各位點整桂花榚嫁??(唔要桂花糖水/糖醬等等既食譜)

桂 花 馬 蹄 糕
材料 :
桂花 1g 約1茶匙 + 熱水 100 ml (預先浸泡 5-10 分鐘)
馬蹄肉 10 粒 (切薄片)
馬蹄粉 163 g ( 加水 400 ml 預先拌勻)
栗米油 1/2 湯匙
白砂糖 250 g ( 加水 400 ml 煲滾)
黃砂糖 20 g
水900 ml (全部合共)
製 法 :
1.先將桂花用熱水浸泡至出味, 放涼備用.
2.馬蹄肉切薄片, 切細片一點.
3.馬蹄粉加水400ml拌勻後, 用篩將雜質隔起備用.
4.用煲將水 400 ml 及將桂花連水一起倒入煲內煲至滾起後, 將白砂糖 黃砂糖 粟米油 及馬蹄片放入後煲1-2分鐘, 然後將火關掉.
5.將馬蹄粉漿再攪起, 然後將馬蹄粉漿慢慢加入糖水內, 邊加入要快手拌勻. 當粉漿拌勻後才開細火將馬蹄糊慢慢煲滾, 滾起至半流質後, 即可將粉糊傾入巳抹油的糕盤內, 放入鑊內蒸 15 分鐘即成.
注 :
1. 馬蹄糕加了桂花, 食時會吃到桂花的清香味道, 而不會覺得糕太甜, 如不喜愛桂花味,
可以不用加入, 但要加入同等份量的水份入糕內.
2. 如想做到馬蹄糕 "晶瑩剔透 " 的效果, 馬蹄粉一定要隔雜質.
3. 馬蹄糕一定要滾至半流質才可以放入糕盤內蒸, 否則, 馬蹄粉一定會沈澱及蒸唔熟..
4. 如想糕身做白色, 可以將黃糖改為全部用白砂糖.

2006-10-25 11:35:47 補充：
如針對只用鮮桂花,可以考慮下以下呢個桂花馬蹄露材料：馬蹄肉半斤、桂花60克、馬蹄粉50克、雞蛋2隻、冰糖100克、清水1500毫升。製法： 1. 首先把馬蹄肉洗淨去皮，然後切成細粒。桂花清洗潔淨，備用。2. 開動攪拌機，把馬蹄粒加入，磨入馬蹄茸。3. 燒熱一鍋水，把冰糖加水，煮滾，然後加入馬蹄茸。 4. 馬蹄粉用少許清水開勻，逐少加入(3)內，然後加入桂花，拌勻。 5. 把馬蹄露煮滾後，熄火，慢慢加入蛋花，一邊加，一邊攪拌。直至加完蛋液，即成。

1) 桂花榚
材料:
桂花150gm 魚膠粉75gm 大菜38gm 蜜糖適量 水 1000毫升
做法:
(1) 燒一鍋熱水, 放入大菜煮溶. 魚膠粉用300ml溫水, 攪勻備用.
(2) 桂花用熱水煮至化開, 再倒入魚膠粉水及大菜水輕力攪拌, 避免起泡.
(3) 然後加入適量蜜糖, 盛起, 倒入一大盤中. 放涼後, 置雪柜冷藏至硬身, 用倒模印出不同形狀的榚狀即可.