眼鏡鼻托既問題 唔該幫幫忙!!!請進~

膠托黃左係唔會變返透明架，但你可以拎去眼鏡舖幫你用機洗乾淨副眼鏡同埋免費換過粒膠托。最好梗係去返你配眼鏡果間眼鏡舖搞啦，不過其實出面果d大間既連鎖店(眼鏡88/藝視/愛視美...) 都有呢項免費服務，我自己都試過幾次求其經過一間走入去叫佢幫我洗眼鏡/換螺絲/換鼻托，佢都唔會問/查我副眼鏡係唔係佢度配既。
膠托用耐左一定會變黃，冇辦法避免既。如果平時覺得油的話，可以間中用面油紙或者紙巾印下鼻兩邊d面油，同埋抺下個鼻托。另外，你要時不時清潔下眼鏡，除左每日用眼鏡布抺眼鏡之外，亦要用紙巾抺下鼻托位，特別要注意既係鼻托同螺絲中間個位，要將紙巾攝入去抺左d油脂同埋污垢，咁粒膠托先冇咁易變黃同埋螺絲唔會咁易生銅綠。

你變哂色好難搞架，你去返你買眼鏡個間公司，
一般如愛視美、眼鏡88等，都會免費同你換架，
換左之後，你大概隔日用花灑沖一沖佢，咁就keep 到清潔架la~~