✔ 最佳答案
我諗佢地都係學 Matrix 啦。
原理係,首先係錄影廠裡面設立一個環型攝影架,上面安裝一系列既攝影機,通常係硬照既,攝影架前面就圍上鮮綠色既圍板,留有細窿俾每個攝影機鏡頭。地板同四周都盡量同樣用鮮綠色布或者圍板遮掩。打燈就要特別要突出演員既外型同背景既分別,同埋要演員千祈唔好著綠色,或者近似綠色既衣著,或者係身上有任何物品係呢種顏色,否則就會係褪走既畫面上面同綠色既背景一齊消失!除非..佢想無左個頭..手或者腳啦。
當演員吊威也跳高之後,快門啟動拍攝,咁一系列多角度既硬照就會影好,然後用電腦剪接軟件將硬照順序排好,將吊威,工作人員等唔想出現既野刪除,再加入事先已經拍好既全景影片 Panorama,或者直頭用電腦立體動畫製作一個假環境,再 key 入去綠色圍板既部份,調節一下演員既光暗同色影,就可以做到呢個效果啦。
全景影片即係用攝影機定點拍攝四周三百六十度既影象。