電視入面呢個效果點拍嫁?

我諗佢地都係學 Matrix 啦。
原理係，首先係錄影廠裡面設立一個環型攝影架，上面安裝一系列既攝影機，通常係硬照既，攝影架前面就圍上鮮綠色既圍板，留有細窿俾每個攝影機鏡頭。地板同四周都盡量同樣用鮮綠色布或者圍板遮掩。打燈就要特別要突出演員既外型同背景既分別，同埋要演員千祈唔好著綠色，或者近似綠色既衣著，或者係身上有任何物品係呢種顏色，否則就會係褪走既畫面上面同綠色既背景一齊消失！除非．．佢想無左個頭．．手或者腳啦。
當演員吊威也跳高之後，快門啟動拍攝，咁一系列多角度既硬照就會影好，然後用電腦剪接軟件將硬照順序排好，將吊威，工作人員等唔想出現既野刪除，再加入事先已經拍好既全景影片 Panorama，或者直頭用電腦立體動畫製作一個假環境，再 key 入去綠色圍板既部份，調節一下演員既光暗同色影，就可以做到呢個效果啦。
全景影片即係用攝影機定點拍攝四周三百六十度既影象。

前排睇個電視節目介紹過這拍攝技巧! 係非常大工程下!
佢地係用左約50部相機,分別裝係一個圓形架上,
所有相機對焦中間一點,當中間果個人跳高時,所有
相機同一時間拍! 再將50張相用幻燈片播放,咁就
睇到你所講360度定左格! 可能解釋得粗略d 但希望你明白^^