✔ 最佳答案
除了客觀既因素,如音色控制、音量等等外,也少不免有主觀既喜好因素在內。至於點樣去分辨,我覺得
1. 需要多聽不同演奏家的演奏
如看音樂會和CD都可以,因為自己心裡既一套美學係需要時間去Build up的,多聽了心裡就自然有個標準來分辨。
2. 多看樂評人寫既評論
當然樂評人寫既評論有時也會有他自己既個人喜好在內,咁都係要時間去分析理解,佢地既文章有時用既文字可以比較具體D寫出一些抽象既感覺,當然如果佢寫既你有聽過既話,咁可能會更有體會吧。
3. 參加音樂欣賞講座
康文署不時都有辦呢類講座,我覺得不妨去聽聽,如蕭樹勝最近就好似會有一系列既講座了,你可以去康文署個網睇下或者去大會堂拎leaflet來睇。
至於點去聽釋放感情,呢樣我覺得也是自己個人既感受。有時你覺得佢無,但我聽落可能覺得佢係用好內歛既方式;又或者你覺得佢彈到真情流露,正到無得頂,但可能我又覺得感情泛濫過於做作也未定。
我覺得一位稱職的演奏家除了具備你所寫的之外 (這是最基本的要求吧) ,還需要有一份對音樂既熱誠,因為要有這顆熱誠的心,才會為著自己的演奏努力不懈務求感動聽眾,而且如果欠缺了這顆心,他所演奏的都會變得內裡空空如也,沒有內涵,有如機器。