翠玉瓜可唔可以蒸架??

翠玉瓜唔止可以蒸，仲有好幾樣煮法嘅。

金銀蒜蒸翠玉瓜：翠玉瓜切細件加小小鹽再落金銀蒜喺面，用大滾水蒸8-10分鍾攞起[贊]啲熟油同加啲豉油即成。

辣味煎翠玉瓜：翠玉瓜斜斜切片[大概1cm厚]，跟住將啲瓜凼水，之後撈起[琼]乾水，然後燒紅鑊落小小油再將翠玉瓜片平放落鑊用大火煎，跟住加小小鹽小小辣椒粉喺瓜面，煎到開始有啲啲濃就反轉煎另一面再落小小鹽小小辣椒粉，煎好上碟即成。

翠玉瓜天婦羅：翠玉瓜斜斜切片[大概7mm厚]，跟住落啲啲粗鹽醃吓，再開定天婦羅粉醬，然後燒一鍋油，滾後轉中細火，將瓜放落粉醬再夾起落鍋炸之微微金黄，跟住格咗啲油後可點燒鰻魚汁即食。

海味豆腐滾翠玉瓜湯：都係將翠玉瓜斜斜切片[大概1cm厚]備用，海味[淡菜同蝦乾]洗淨，燒熱兩湯匙油落一片薑再落埋海味[淡菜同蝦乾]爆香，跟住先落小小酒[贊]吓啲海味至加水滾兩滾，然後將爆香咗嘅海味連水連薑倒落湯煲到，跟住你想飲幾多水就加幾多水煲至滾起，最後落埋豆腐同翠玉瓜滾佢幾分鍾加鹽調味即成。

個人心得：想翠玉瓜好食，就千其唔好煮到咁熟，大概煮到七八成熟就最好食嘅，有名你叫翠玉瓜嘛，睇落顏色要翠綠，食落要爽爽脆脆。



希望可以解答到您嘅問題啦。Thanks.

你的建議是可以的，可以考慮以炸熟了的蒜蓉撒在蒸好的翠玉瓜上，又靚又好味！

2006-10-22 17:35:42 補充：
加少少豉油調味

2006-10-22 17:35:43 補充：
加少少豉油調味

可以架
可能其他人覺得炒係好味0的呢
但係係健康既角度睇一定係蒸好0的啦

得
不過唔係太好曪