58M、265M等是否真的需要有去荃灣的區間車呢?

無辦法啦，如果六點之後由葵芳開出都滿咗7-8成啦，仲有荃灣呢！！都唔明點解咁多人係荃灣等車，特別係千色店同pccw門口，呢家千色店巴士站都搬到去仁濟咁滯，仍然咁鬼多人，其實呢兩個站都無乜寫字樓同辦公機構喎，唔明點解會咁多人！！可能由地鐵轉車同荃灣政府合署放工ｄ人啦．另外，呢兩架車開得又疏，真係無計！！

架車去到愉景新城之後想有得坐都難咯，為今之計唯用轉搭其它路線再行路，或者索性轉西鐵再轉輕鐵吧啦．

58m就要,因為太多人搭,根本上唔到
265m就可以唔駛,因為有d人會搭68m,69m,263m,264m或269m到大欖隧道轉其他大欖隧道線

樓主講呢幾條路線o係繁忙時間已經有好多特別車由千色店起載, 奈何荃灣返工既人實在太多, 依小弟所見呢批特別車都係僅僅夠用, 但係加車又會塞路, 實在煩死運輸大員也!
樓上11兄: 荃灣係好多寫字樓架! 除左南豐, 週圍仲有大量工廠大廈都係用黎做寫字樓, 淨係環宇個寫字樓既人數足以塞爆一架12米啦!

根據運輸署的規定，只能在最繁忙的時間的半小時內，客量達八成以上就可以加車。如果這樣的話，可能可以在荃灣加特別車，每十五至二十分一班，或許可解決這問題。

唔知.....