請問有無提供邊個地方買露營用品價廉物美！

請問你想要那些露營用品的資料呢?因為唔同物品可以係唔同地方搵到D抵用的裝備,而唔係一定去香港攀山中心買D幾千元的背囊,以我經驗,就有好多唔同地點,買的用品有平有貴,因為店舖來貨同牌子唔同,就以背囊為例唔同牌子相差好大,好難話比你知可以去那兒有廉價物美用品。
如果你是初次玩戶外活動同露營,建議你唔好買太昂貴的用品,因為貴價品要咁貴因為有特有的設計用途,未清楚買來唔合用就好浪費金錢。
就以背囊為例,香港攀山中心同沙木里都背的背囊都要二三千元,就因為可以負重及平均物件的重心,使用者行長途遠足唔會太辛苦,有些更可以用於上雪山,但若然你只是行下山,唔係上雪山,就買來比人睇多,我玩咁多年山,都覺得盈威戶外製品廠有限公司的背囊好用,二百多元一個,經濟實用,夠玩就得啦。
盈威戶外製品廠有限公司
In-Way Outdoor Goods Mfy Ltd
電話：2763 9338
地址：荃灣匯利工業中心
如果你等得下,盈威年年都會係維園工展會擺攤位推銷貨品,好多時有特價,等到11 月中到我都會去掃下平貨。
如果你想買營幕,有間美昌皮具公司有買開好抵用蒙古營,我都係個度入貨,不過都唔明佢買皮具又買營幕,九唔拍八,但真係幾好用,吹帳。所以想搵D經濟裝備,有時都要知門路,捐窿捐那咁啦。
英昌地址:油麻地上海街303號地下(近油麻地地鐵站C出口)
電話:23851255
如果有其他裝備想搵,不如你電郵比我,睇我有咩路數。