點解七十年代d功夫片果咁得意？

點解同一條問題出現兩次既?! 咁我copy自己既答案再答一次啦^^ 不過我想補充小小，打下停下除左俾觀眾睇清楚ｄ招式，而且係保護演員既方法之一，除非演員既功夫底有番咁上下，又或者導演識得借位，就可以打得更加流暢。



當時的功夫片唔係全部都咁既, 但大多數都係學你咁講打到「疾疾下」，如果有睇過邵氏功夫片既都會非常了解，因為邵氏功夫片都係七十年代盛行，到八十年代初沒落。

在正式答你問題前，請你睇以下一段片先
http://www.youtube.com/watch?v=I6pVhfkVgMM
這是六十年代初期某套黃飛鴻既片段，群打戲

http://www.youtube.com/watch?v=L-sj09NjviI
這是六十年代後期某套黃飛鴻既片段，對打既係關德興和袁小田

就呢兩段戲，係咪覺得差別好大呢？

其實當時拍動作片既技術未算純熟，所以要靠夾之餘仲要借位，而打人又冇乜打中人既音效，所以會出現出左招掂唔倒個人，個人都會訓低既情況（好似片一咁）

拍打片唔只夾拍攝技巧，演員既功夫底子都係好片既要素之一，例如片二咁，由於小田叔和關師父都係打得之人，所以打得放ｄ，明顯硬橋硬馬得多。

七十年代拍功夫片最hit既一定要數張徹，演員我覺得係姜大衛，狄龍，王羽．．．．．　

不過佢地打起上黎都有你所講既情況，由於彩色營幕初現，所以畫面會清晰左，音效畫面和感受都變得煥然一新，對於當時既觀眾黎講，入戲院睇打戲會有拳拳到肉既感覺。等同我呢一代由睇ＶＣＤ一下子轉到ＤＶＤ駁晒ｃｈ５．１插晒喇叭咁，果下震撼同轉變真係難以形容。打得慢ｄ都係想俾觀眾悉應科技既轉變和睇清楚每一下招式。

七十年代中後期，動作片既招式看起來變得快左同埋實在左，除左拍攝技巧純熟左，最重要既係功夫片需求大左，所以多左好多真係打得既演員，　例如劉家輝，惠英紅，小候，錢小豪．．．．．。

或者大家可以睇下76年出品既 「少林三十六房」，由劉家輝主演的，亦是他冒起的代表作，而導演係劉家良師父。我可以好肯定咁講，劉師父拍打戲，如非必要，全都用上真正的兵器，拍功夫比試既，又可以拍到拳拳到肉，可以拍成咁，好既導演和武指絕對唔小得。

自從８０年代功夫片沒落，拍得起軟淨利落的功夫片既導演愈來愈小，即使有打得既人材，但冇配合既劇本和適當既人配合都唔會成事。如果夾硬拍ｄ危險而動作快既打鬥場面，傷到演員事小，搞出人命事大，所以如非必要，大家所拍既可能流ｄ慢ｄ，總好過出意外。

直至現時既拍攝技術改善，將受傷既機會減低，至可以拍得出靚得安全既功夫片，例如龍虎門，郁ｄ就係特技，真正打得既留番俾功夫底既丹哥拍，咁對大家都安全ｄ。（不過睇唔倒以前拍過邵氏功夫片既陳觀泰露兩手，剩係睇佢揮下棍就俾人打死，好唔抵）

殺破狼應該係近年最實在既打片，三大演員都係以打起家，而用既特技又小，有興趣研究打片既一定要睇。

由於時間關係，如有錯漏請多多包含


一個生於８０年代既電影迷上

Because it is juat a movie. Maybe the actors are not martial artists.