好多問題想問!

1.完全係心理因素影響所致,所謂日有所思夜有所夢,的確係有o架,甚至有科學家研究過所謂睹物思人o既心態,有d人可能只見到物品,會諗起親人而產生潛意式短暫幻覺.而且當人訓著覺o既時候,腦部其實未完全休息,所以有機會o係日頭諗o既野,o係夢境重複見返o架!

2.同樣你o既意識當中都知道讀書行先,所以你明知讀書係必要,但又對非必要o既娛樂活動過份熱衷,就會產生一種排斥心理,亦即係你所指o既內疚.

3.人o既表現,會示乎外圍同心情而有所不同,當你心情好o既時候,睇任何一樣野都會覺得美好,相反就會覺得任何野都唔好,亦即係極端心理,同樣地當你心情唔係太好o既時候,你會抗拒別人得到開心,因為你會覺得有一絲唔公平,但係當你平伏o左心情之後,大多數o既人都會隨著心情改變,而又唔會特別去羨慕其他人.

4.有研究報告指出,突然怕接觸其他人原因係因為過份寂寞,而且得唔到別人適當關心、愛護而產生o既一種心理問題,但係亦有d人係長期要接觸人而產生恐懼,例如節日症候群,會因為突然經過與太多人接觸之後,要獨自面對平淡生活,令個人身心唔平衡所致.

5.會討厭自己o既情況,係因為唔完全了解自己,總係覺得自己比唔上其他人,甚至將自己o既缺點放大同時,又無辦法去發掘自己o既優點,或者有d人係因為長期做一d遺背自己志願的事,令情感壓抑形成的.

但係總括o黎講,哩d唔完全係病態,但係開心又過一日,唔開心都要過一日,咁又何苦要令自己陷入哩種不明狀態呢?

全都係......